/5d40279e566b2_1564485480_medium.jpg)
- 2019-07-30 11:21:33
- បាល់ទាត់
លីគកំពូលកូរ៉េ ថ្កោលទោស Juventus រឿងមិនដាក់ Ronaldo ចូលលេង
- 2019-07-30 11:21:33
- ចំនួនមតិ 0 | ចំនួនចែករំលែក 0
លីគកំពូលកូរ៉េ ថ្កោលទោស Juventus រឿងមិនដាក់ Ronaldo ចូលលេង
ចន្លោះមិនឃើញ
ស្ថាប័ន K-League នៃប្រទេសកូរ៉េខាងត្បូង បានផ្ញើសំបុត្រទៅកាន់ក្លឹប Juventus បង្ហាញពីការមិនសប្បាយចិត្ត ក្រោយពេលដែលក្លឹបអ៊ីតាលីមួយនេះ មិនបានដាក់ខ្សែប្រយុទ្ធព័រទុយហ្គាល់កីឡាករ Cristiano Ronaldo ចូលលេងក្នុងប្រកួតមិត្តភាព កាលពីថ្ងៃសុក្រ។
ទីភ្នាក់ងារសារព័ត៌មានកូរ៉េ Yonhap បានចុះផ្សាយថា សំបុត្ររបស់ស្ថាប័នលីគកំពូលប្រទេសនេះបានបង្ហាញពី អំពើដែលក្លឹប Juventus មិនគោរពតាមកុងត្រារបស់ខ្លួន ព្រមទាំងថ្កោលទោសក្លឹបអ៊ីតាលីថា មានភាពក្រអឺតក្រទម និងខ្វះទំនួលខុសត្រូវ។
ក្នុងកុងត្រានោះបានបញ្ជាក់ថា Ronaldo ត្រូវតែលេងយ៉ាងតិច ៤៥នាទី ហើយអាចអង្គុយលើបង់បាន លុះត្រាតែ មានរបួសក្នុងពេលកម្ដៅសាច់ដុំ ឬ ក្នុងពេលប្រកួត។
ខាងលីគកូរ៉េ បានសម្ដែងការសុំទោស ខណៈអ្នកគាំទ្រជាច្រើននាក់ខកចិត្តនឹង អវត្តមានរបស់ខ្សែប្រយុទ្ធពាក់អាវលេខ ៧មួយនេះ។ ចំណែកឯខាង Juventus បានបកស្រាយថា Ronaldo មានបញ្ហាកាយសម្បទារបស់ខ្លួន។
កាលពីថ្ងៃសុក្រកន្លងទៅ ក្លឹប Juventus បានលេងប្រកួតមិត្តភាពប៉ះនឹងក្រុមតារាបាល់ទាត់នៃលីគកំពូលកូរ៉េខាងត្បូង ដោយបញ្ចប់ទៅក្នុងលទ្ធផល ៣-៣៕
