- 2019-07-24 06:58:46
- ប្រដាល់
ផ្ទុះសង្គ្រាមជាថ្មី រវាង Floyd និង Pacquiao ឌឺដងគ្នាដូចរន្ទះ
- 2019-07-24 06:58:46
- ចំនួនមតិ 0 | ចំនួនចែករំលែក 0
ផ្ទុះសង្គ្រាមជាថ្មី រវាង Floyd និង Pacquiao ឌឺដងគ្នាដូចរន្ទះ
ចន្លោះមិនឃើញ
ក្រោយពី Manny Pacquiao បានយកឈ្នះលើកីឡាករអាមេរិក Keith Thurman មក ក៏ស្រាប់តែផ្ទុះរឿង Floyd ឯណោះចេញមុខដៀមដាមឌឺដងដាក់ Pac បង្កជាជម្លោះលើបណ្ដាញសង្គមតែម្ដង។
Floyd បានបង្ហោះថារាល់ពេលប្រកួត Pacman តែងតែយកឈ្មោះខ្លួនទៅនិយាយ ដើម្បីទាក់ទាញចំណាប់អារម្មណ៍គេឯង និងធ្វើឱ្យការប្រកួតទាក់ទាញ។ កីឡាករអាមេរិកនេះ ចង់ឱ្យកីឡាករហ្វីលីពីនឈប់ប្រើឈ្មោះ Brand របស់ខ្លួន ដើម្បីយកផលប្រយោជន៍តទៅទៀត។ គ្រាន់តែឃើញការបង្ហោះនេះហើយ Pac ក៏មិនសុខចិត្ត ចេញបង្ហោះសារមួយត្រលប់ទៅវិញផងដែរ។
កីឡាករល្បីឈ្មោះមាឌល្អិត ចិត្តធំ ខាងលើបានតបវិញថា Floyd បានបញ្ចេញឈ្មោះខ្លួននៅលើបណ្ដាញសង្គម។ ដោយ Pac ចង់សួរឱ្យច្បាស់ថាតើ Floyd ចង់ពាក់ព័ន្ធឬប្រកួតគ្នាម្ដងទៀតទេ? បើចង់ តោះឡើងសង្វៀនម្ដងទៀត (MayPac2)។
ភ្លាមៗ ពេល Pacquiao ហៅឡើងសង្វៀនជាថ្មីនោះ កីឡាករមានកំណត់ត្រាមិនចាញ់របស់អាមេរិក បានអះអាងថាខ្លួនគេបានយកឈ្នះ Pac គ្រប់យ៉ាងបាត់ទៅហើយ។ ទាំងការប្រកួតលើកមុន ដែលគេឈ្នះយ៉ាងស្រួល ទាំងការរកប្រាក់តម្លៃខ្លួន។ ជាក់ស្ដែង រូបគេប្រើពេលមិនដល់៣ទឹកផង អាចរកបាន៩លានដុល្លារ ខណៈដែល Pac វិញ ត្រូវការពេលដល់១២ទឹក ទើបរកបាន១០លានដុល្លារ។ មិនត្រឹមតែប៉ុណ្ណឹង Floyd ប្រាប់ឱ្យ Pac ចាំក្នុងចិត្តផងថា រូបគេវៃនៅពេលគេចង់វៃ មិនមែនដូច Pac ឡើយ៕