/5d36e3aa69ddc_1563878280_medium.jpg)
- 2019-07-23 12:10:04
- បាល់ទាត់
Pep ឆ្លើយតបពាក្យរិះគន់រឿង Man City ទៅលេងនៅចិន
- 2019-07-23 12:10:04
- ចំនួនមតិ 0 | ចំនួនចែករំលែក 0
Pep ឆ្លើយតបពាក្យរិះគន់រឿង Man City ទៅលេងនៅចិន
ចន្លោះមិនឃើញ
សារព័ត៌មានរដ្ឋចិន Xinhua បានរិះគន់ ក្លឹប Manchester City ថា ក្លឹបនេះទៅលេងមិត្តភាពនៅចិន ដើម្បីចំណេញតែលុយហោប៉ៅខ្លួនឯង ប៉ុន្តែហាក់សម្ដែងការរើសអើងចំពោះសារព័ត៌មានក្នុងស្រុក និងមិនភ្ជាប់ទំនាក់ទំនងជាមួយប្រជាជនចិន។
ក្រោយមកអ្នកចាត់ការក្លឹប Manchester City លោក Pep Gaurdiola បានឆ្លើយតបថា ពាក្យរិះគន់នេះ ចាកឆ្ងាយពីការពិត ដោយសារតែក្លឹបរបស់លោក បានធ្វើរឿងល្អៗជាច្រើនណាស់ជាមួយអ្នកគាំទ្រចិន។
លោកបាននិយាយថា៖ " ខ្ញុំគួរនិយាយថា ខ្ញុំមិនយល់ព្រមនឹងពាក្យទាំងនោះទេ ពាក្យនោះជាពាក្យមិនពិត " ។
លោកបានបន្តថា៖ " យើងមានពេលវេលាល្អណាស់នៅទីក្រុងសៀងហៃ។ យើងក៏បានជួយធ្វើកម្មវិធីជាច្រើនដែរ តាមរយៈការស្នើសុំអ្នកនៅសណ្ឋាគារ ហើយមនុស្សជាច្រើនទៀត " ។
លោកបានបន្ថែមថា៖ " ការមកកាន់ទ្វីបអាស៊ី ហើយទទួលយកបទពិសោធន៍ថ្មីៗផ្នែកវប្បធម៌ ជារឿងដ៏អស្ចារ្យណាស់។ ខ្ញុំនៅតែមិនយល់ថា ហេតុអ្វីមានមនុស្សនិយាយដូច្នេះ ពាក្យរិះគន់នេះចាកឆ្ងាយពីការពិត។ ប្រហែលមានអ្នកកាសែតម្នាក់ហាក់អន់ចិត្ត ខ្ញុំក៏មិនដឹងថាមកពីអីដែរ " ៕
