- 2019-07-18 14:16:42
- បាល់ទាត់
ក្លឹបយក្សអឺរ៉ុបមួយណាកំពុងនាំមុខ រឿងចាយលុយទិញកីឡាករ គិតមកទល់ពេលនេះ?
- 2019-07-18 14:16:42
- ចំនួនមតិ 0 | ចំនួនចែករំលែក 0
ក្លឹបយក្សអឺរ៉ុបមួយណាកំពុងនាំមុខ រឿងចាយលុយទិញកីឡាករ គិតមកទល់ពេលនេះ?
ចន្លោះមិនឃើញ
ក្នុងរដូវកាល ២០១៩/២០នេះ គេសង្កេតឃើញថា ក្លឹបនៅអេស្ប៉ាញហាក់បីដូចជា មមាញឹកដល់ហើយក្នុងការចំណាយលើការនាំចូលកីឡាករ។
ក្លឹបបងធំអេស្ប៉ាញទាំង ៣ រួមមានក្លឹប Barcelona, ក្លឹប Real Madrid និងក្លឹប Atletico Madrid សុទ្ធតែចំណាយលើសពី ២០០លានដុល្លារ នៅក្នុងរដូវកាលនេះ។
ក្លឹប Real Madrid បានចំណាយអស់ជាង ៣៤០លានដុល្លារ ដែលជាចំនួនទឹកលុយចំណាយច្រើនជាងគេ គិតត្រឹមពាក់កណ្ដាលខែកក្កដានេះ។ ក្លឹបអធិរាជសនេះ ចំណាយលើកីឡាករចំនួន ៥រូប ដោយក្នុងនោះ ខ្សែស្លាប Eden Hazard មានតម្លៃថ្លៃជាងគេ ដែលនាំចូលក្នុងតម្លៃ ១១២លានដុល្លារ។
ក្លឹប Atletico Madrid វិញ ដោយឃើញមានកីឡាករចេញច្រើនពេក ក៏សម្រេចចំណាយរយលានដុល្លារនឹងគេដែរ។ ក្លឹបនេះបានចាយអស់ ២៧២លានដុល្លារហើយ ដោយមាននាំចូលខ្សែប្រយុទ្ធវ័យក្មេងព័រទុយហ្គាល់ Joao Felix។
ចំណែកឯក្លឹប Barcelona វិញ ចំណាយអស់ជាង ២៦១លានដុល្លារ ទៅលើកីឡាករចំនួន ៥ រូប ដោយខ្សែប្រយុទ្ធបារាំង Antoine Griezmann និងខ្សែបម្រើហុល្លង់ Frenkie De Jong ជាការផ្ទេរកីឡាករដ៏គួរឲ្យកត់សម្គាល់ជាងគេ៕