មុនវគ្គផ្ដាច់ព្រ័ត្រ មកដឹងប្រវត្តិពាន Africa Cup of Nations

2019-07-16 08:25:51
ព័ត៌មាន

2019-07-16 08:25:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតវគ្គផ្ដាច់ព្រ័ត្រពានជើងឯកទ្វីបអាហ្វ្រិក ឬ Africa Cup of Nations នឹងឈានដល់វគ្គផ្ដាច់ព្រ័ត្រនៅយប់ថ្ងៃសុក្រសប្ដាហ៍នេះហើយជាការជួបគ្នារវាងក្រុមជម្រើសជាតិសេណេហ្គាល់ និងអាល់ហ្សេរី។

ឆ្នាំ២០១៩គឺជាការប្រកួតពានទ្វីបអាហ្វ្រិកលើកទី៣២ហើយ ដោយកម្មវិធីនេះធ្វើឡើង២ឆ្នាំម្ដង ចាប់តាំងពីឆ្នាំ១៩៥៧មក។ មុនវគ្គផ្ដាច់ព្រ័ត្រមកដល់យើងមកដឹងប្រវត្តិពានដ៏មានប្រជាប្រិយភាពប្រចាំទ្វីបអាហ្វ្រិកនេះទាំងអស់គ្នា៖

ចាប់តាំងពីកម្មវិធីបង្កើតមក ពាន African Cup of Nations បានផ្លាស់ប្ដូររូបរាង៣លើកមកហើយ។ ពានដំបូងបំផុតធ្វើពីប្រាក់ ដែលគេឲ្យឈ្មោះថា Abdelaziz Abdallah Salem យកទៅតាមឈ្មោះលោក Abdelaziz Abdallah Salemដែលជាប្រមុខសហព័ន្ធបាល់ទាត់អាហ្វ្រិកទីមួយ។

ប្រទេសហ្គាណាមានសិទ្ធទុកពានខាងលើជាអចិន្ត្រៃយ៍ក្រោយក្លាយជាម្ចាស់ជើងឯក៣ដង ក្នុងឆ្នាំ ១៩៦៣, ៦៥ និង៧៨។ ពានទីពីរត្រូវបានប្រើចាប់ពីឆ្នាំ១៩៨០ ដល់ឆ្នាំ២០០០ ដែលគេឲ្យឈ្មោះថា Trophy of African Unity ឬក៏ African Unity Cup។ ប្រទេសកាមេរូន បានរក្សាពានដើម (Original) ជាអចិន្ត្រៃយ៍ក្រោយឈ្នះ៣ដងក្នុងឆ្នាំ ១៩៨៤, ៨៨ និង ២០០០។

នៅក្នុងឆ្នាំ២០០១ពានទី៣ ដែលគេប្រើដល់បច្ចុប្បន្ន ត្រូវបានបង្កើតឡើង ដោយមានពណ៌មាសសុទ្ធ មានរូបផែនដី និងបាល់តូចៗព័ទ្ធជុំវិញ រចនាដោយជាងមកពីប្រទេសអ៊ីតាលី។ កាមេរូន គឺជាប្រទេសដំបូងដែលឈ្នះពាននេះក្រោយក្លាយជាជើងឯកក្នុងឆ្នាំ២០០២។ អេហ្ស៊ីបបានឈ្នះពាន៣ដងក្នុងឆ្នាំ ២០០៦, ០៨ និង១០ ប៉ុន្តែប្រទេសនេះមិនបានទុកពានដើម ជាអចិន្ត្រៃយ៍ដូចប្រទេសមុនៗនោះទេ គឺបានត្រឹមរក្សាពានចម្លងប៉ុណ្ណោះ៕