- 2019-07-15 11:25:35
- បាល់ទាត់
Neymar បង្ហើបពីអនុស្សាវរីយ៍ល្អបំផុត ២ ក្នុងអាជីពដោយមានមួយគឺឈ្នះ PSG ៦-១
- 2019-07-15 11:25:35
- ចំនួនមតិ 0 | ចំនួនចែករំលែក 0
Neymar បង្ហើបពីអនុស្សាវរីយ៍ល្អបំផុត ២ ក្នុងអាជីពដោយមានមួយគឺឈ្នះ PSG ៦-១
ចន្លោះមិនឃើញ
ខ្សែប្រយុទ្ធប្រេស៊ីលកីឡាករ Neymar បាននិយាយប្រាប់សារព័ត៌មាន Oh my goal ថា ក្នុងអាជីពរបស់ខ្លួន មានអនុស្សាវរីយ៍ល្អជាងគេចំនួន ២គឺ ការឈ្នះមេដាយមាសអូឡាំពិកជាមួយប្រេស៊ីល និងការវាយបករបស់ Barcelona ទៅលើ Paris Saint-Germain។
កីឡាកររូបនេះបាននិយាយថា៖ " អនុស្សាវរីយ៍ដែលល្អជាងគេក្នុងអាជីពបាល់ទាត់របស់ខ្ញុំមាន ២គឺ ជ័យជម្នះក្នុងកីឡាអូឡាំពិក ជាមួយប្រេស៊ីល និងពេលខ្ញុំឈ្នះ PSG ជាមួយក្លឹប Barcelona '' ។
ទាក់ទិននឹងរឿងនេះដែរ លោក Neymar Santos Sr. ឪពុករបស់កីឡាកររូបនេះ បានប្រាប់ពីមូលហេតុថា កូនរបស់គាត់មិនមានបំណងខ្វះការគោរពដល់ក្លឹប PSG ទេ ប៉ុន្តែកូនរបស់គាត់ក៏មិនអាចបំភ្លេចនូវរឿងរ៉ាវនេះ (រឿង Barcelona ឈ្នះ PSG ៦-១) ដែលជាដំណាក់កាលធ្វើឲ្យគេក្លាយជាកីឡាកររបស់ក្លឹបបារាំងនេះ។
គួរបញ្ជាក់ថា Neymar កំពុងតែត្រូវបានភ្ជាប់ទៅនឹងពាក្យចចាមអារ៉ាមជាច្រើនដែលថា គេនឹងចាកចេញពីក្លឹប PSG ទៅកាន់ក្លឹបធំៗមួយចំនួន ដោយក្នុងនោះមានក្លឹប Real Madrid និងក្លឹប Barcelona ផងដែរ៕