ស្វែងយល់ពីក្លឹបបាល់ទាត់ដ៏អន់បំផុតនៅចក្រភពអង់គ្លេស នៅតែអាចរក្សាក្រុមរបស់ពួកគេឱ្យនៅរស់

2019-07-14 00:02:00
បាល់ទាត់

2019-07-14 00:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Fort William មិនដែលឈ្នះការប្រកួតក្របខ័ណ្ឌ Highland League សូម្បីម្តងជាង២ឆ្នាំមកហើយ។ Highland League ជាក្របខ័ណ្ឌ part-timeស្ថិតនៅលីគលំដាប់ទី៥របស់ប្រទេសស្កុតឡែន ចក្រភពអង់គ្លេស។

កាលពីរដូវកាលមុន Fort William បញ្ចប់នៅបាតតារាងដោយមានពិន្ទុ (-៧) ជំពាក់គ្រាប់បាល់គេ (-២២៤) គ្រាប់ ប៉ុន្តែការតស៊ូរបស់ពួកគេបាននាំឲ្យមានអ្នកគាំទ្រថ្មីបន្ថែម កាមេរ៉ា Sky Sports ទៅថតទិដ្ឋភាពពីការប្រកួត ហើយនិងស្មារតីនៅកីឡដ្ឋាន Claggan Park ដែលអាចផ្ទុកអ្នកទស្សនាបាន ៤,០០០ នាក់របស់ពួកគេនៅតែបន្ត។

រដូវកាលមុនពួកគេស្មើ២ ក្នុងចំណោម៣៤ប្រកួត ស៊ុតចូលគេ២១គ្រាប់ និង ត្រូវគេស៊ុតចូលវិញ ២៤៥គ្រាប់។ ពួកគេត្រូវជាប់ពិន័យ (-៩) ពិន្ទុ ដោយសារតែបញ្ចូលកីឡាករមិនគ្រប់លក្ខខ័ណ្ឌឲ្យចូលលេង ដូចនេះមានន័យថាពួកគេមានពិន្ទុក្រោមសូន្យទៅទៀតគឺ (-៧)។

Fort William ដែលកាលពីរដូវកាលមុន ចាញ់៣២ដង ក្នុងចំណោម៣៤ប្រកួត ហើយប្រកួតនីមួយៗត្រូវគេស៊ុតចូលចាប់ពី១០គ្រាប់ឡើងទៅ។

នៅដើមរដូវកាល ពួកគេដាក់កីឡាករពេញវ័យ ក្រោយមកពួកគេយកក្មេងជំទង់ដាក់ឲ្យចូលលេងដើម្បីរក្សាក្រុមរបស់ពួកគេឱ្យនៅរស់ សម្រាប់ក្លឹបដែលមានមូលដ្ឋាននៅតំបន់ដាច់ស្រយាលក្នុងប្រទេសស្កុតឡែនមួយនេះ។

ស្ថិតិចាញ់ដ៏គួរឲ្យចាប់អារម្មណ៍របស់ Fort William បានធ្វើឲ្យសារព័ត៌មានទាញចំណាប់អារម្មណ៍របស់អ្នកសារព័ត៌មានស្វែងយល់អំពីរឿងរ៉ាវរបស់ពួកគេ និង បានពញ្ញាក់ស្មារតីរបស់អ្នកគាំទ្រនៅស្រុកកំណើតឲ្យដុះដាលឡើងវិញ។

Peter Murphy ប្រធានក្លឹប និង ជាអតីតកីឡាករដែលធ្លាប់លេងឲ្យក្លឹបក្នុងស្រុកកំណើតរបស់គាត់នេះអស់ជាង១៥ឆ្នាំបាននិយាយថា "ជោគជ័យរបស់យើងគឺសាមញ្ញបំផុត គឺធ្វើយ៉ាងណាឲ្យក្លឹបមួយនេះនៅតែអាចរស់រៀន"។

ក្រោយ Sky Sports ធ្វើឲ្យក្លឹបអន់បំផុតនេះល្បី អ្នកស្រុករបស់ក្លឹបនេះបានមូលនិធិបានជាង ៦,០០០ ដុល្លារដើម្បីជួយទ្រទ្រង់ពួកគេបន្ថែម។

នៅចម្ងាយប្រមាណ ១០៦ គីឡូម៉ែត្រពី Fort William មានក្លឹបបាល់ទាត់ក្នុងតំបន់មួយទៀតឈ្មោះ Clachnacuddin ហើយបច្ចុប្បន្នមានក្មេងៗជាង ២០០ នាក់លេងនៅក្នុងក្រុមយុវជននៅតំបន់នេះ។

Scott Hunter ដែលជាស្ថាបត្យករ និង តែងលេងចុងសប្ដាហ៍ឲ្យក្លឹប Fort William អស់ជាង១ទសវត្សមកហើយបាននិយាយថាលោកចង់ឲ្យយុវជនចាប់យកកីឡានេះជាអាជីព ប្រសិនបើពួកគេចូលចិត្តបាល់ទាត់ពិតប្រាកដ។

"ក្មួយប្រុសរបស់ខ្ញុំលេងក្នុងក្រុមយុវជន។ សង្ឃឹមថាថ្ងៃណាមួយ ខ្ញុំអាចប្រាប់គាត់ថាខ្ញុំធ្វើរឿងទាំងនេះមិនអត់ប្រយោជន៍នោះទេ"។ Hunter បាននិយាយ៕

ប្រភព៖ theguardian ប្រែសម្រួល៖ សុខ លាងហ៊ត