ទម្លាយមូលហេតុដែលនៅអេស្ប៉ាញ ឧស្សាហ៍មានករណីកីឡាករគេចពន្ធញឹកញាប់

2019-07-13 02:39:50
បាល់ទាត់

2019-07-13 02:39:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានពីការចោទប្រកាន់រឿងគេចពន្ធរបស់កីឡាករល្បីៗដែលប្រកបអាជីពនៅប្រទេសអេស្ប៉ាញ មិនមែនជារឿងថ្មីទេ។ កីឡាករកំពូលៗដល់ថ្នាក់ខ្សែប្រយុទ្ធព័រទុយហ្គាល់កីឡាករ Cristiano Ronaldo និងខ្សែប្រយុទ្ធអាហ្សង់ទីនកីឡាករ Lionel Messi ហើយសូម្បីតែលោក Jose Mourinho ក៏ធ្លាប់បានចោទប្រកាន់ពីរឿងនេះដែរ។

តាមពិតទៅកំឡុងពេលនៃការមកដល់របស់ អតីតកីឡាករDavid Beckham នៅឆ្នាំ២០០៣ ជនបរទេសដែលធ្វើការនៅអេស្ប៉ាញអាចទទួលបានអត្ថប្រយោជន៍ក្នុងការបន្ធូរបន្ថយពន្ធ ដែលធ្វើឡើងដើម្បីទាក់ទាញមនុស្សមានទេពកោសល្យ និងធនធានមនុស្សមកធ្វើការនៅអេស្ប៉ាញ នេះបើតាមសារព័ត៌មាន BBC។

ច្បាប់នោះក៏លេចចេញជារូបរាងនៅឆ្នាំ២០០៥ ដោយមានរហស្សនាមថា "ច្បាប់ Beckham” ក៏ព្រោះតែលោកស្ថិតក្នុងចំណោមអ្នកដែលចុះឈ្មោះក្នុងការបង់ពន្ធរយៈពេល ៦ឆ្នាំ ដែលបង់ ២៤% នៃប្រាក់ចំណូល។ ពេលនោះហើយ ក៏កើតចេញជាយុគ Galactico របស់ក្លឹប Real Madrid ដោយកីឡាករល្អៗមានចំណាប់អារម្មណ៍ខ្ពស់មកលេង ដោយមានអត្ថប្រយោជន៍ពន្ធនេះ។

យ៉ាងណាមិញ ស្ថានភាពនៅអេស្ប៉ាញបានប្រែប្រួល ច្បាប់នេះក៏ធ្វើការវិសោធនកម្ម ហើយកីឡាករណាដែលមានប្រាក់ខែលើសពី ៦៧ម៉ឺនដុល្លារ លែងទទួលបានអត្ថប្រយោជន៍នេះទៀតហើយ។ អត្រាពន្ធក៏កើនឡើង គួបផ្សំនឹងបញ្ហានៃក្រុមហ៊ុន ដែលកីឡាករជួលឲ្យបង់ពន្ធ ក៏បណ្ដាលឲ្យមានការចោទប្រកាន់លើការគេចពន្ធ៕

ប្រភព៖ BBC ប្រែសម្រួល៖ ហ៊ីម រស្មី