/5d25c96a2f1a8_1562757480_medium.jpg)
- 2019-07-10 11:21:02
- បាល់ទាត់
បញ្ចេញព័ត៌មានផ្លូវការចុងក្រោយ អំពីអនាគតរបស់ Pogba នៅ Man Utd
- 2019-07-10 11:21:02
- ចំនួនមតិ 0 | ចំនួនចែករំលែក 0
បញ្ចេញព័ត៌មានផ្លូវការចុងក្រោយ អំពីអនាគតរបស់ Pogba នៅ Man Utd
ចន្លោះមិនឃើញ
អ្នកចាត់ការក្លឹប Manchester United លោក Ole Gunnar Solskjaer បាននិយាយប្រាប់សន្និសីទសារព័ត៌មានថា ក្លឹបរបស់លោកមិនទាន់ទទួលបានសំណើណាមួយទាក់ទងនឹងខ្សែបម្រើបារាំង Paul Pogba ឬ កីឡាករដទៃទៀតឡើយ។
លោកបាននិយាយថា៖ " ពេលដែលអ្នកនៅក្លឹប Man Utd អ្នកនឹងរំពឹងថា ពាក្យចចាមអារ៉ាមនឹងលេចឡើង នៅក្នុងរដូវក្ដៅ។ ប្រាកដណាស់! ខ្ញុំស្និទ្ធជាមួយ Paul និយាយជាមួយ Paul ហើយក៏បាននិយាយជាមួយ Lukaku, Rashford, Lingard និយាយជាមួយកីឡាករទាំងអស់។ អ្នកត្រូវតែជិតដិតជាមួយពួកគេ " ។
លោកបានបន្តថា៖ " អ្វីដែលខ្ញុំដឹងពេលនេះគឺ ពួកយើងមិនទាន់ទទួលសំណើពីក្លឹបណាមួយ ដើម្បីទាក់ទងកីឡាកររបស់យើងទេ។ Paul ឬ កីឡាករផ្សេងៗទៀត សុទ្ធតែមានកុងត្រាវែងៗ " ។
គួរបញ្ជាក់ផងដែរថា Paul Pogba ត្រូវបានពាក្យចចាមអារ៉ាមមួយចំនួនលើកឡើងថា មានក្លឹបធំៗមួយចំនួនទាក់ទងរូបគេ ដែលក្នុងនោះមានដូចជា Real Madrid, Juventus ជាដើម។ ចំណែកឯ Lukaku បាននិយាយខ្លួនឯងថា គេមានចំណាប់អារម្មណ៍នឹងលីគកំពូលអ៊ីតាលី៕
