- 2019-07-05 04:14:54
- ប្រដាល់
កំពូលអ្នកឌឺគ្មានពីរប៉ះគ្នាជាថ្មី កែវ រំចង់ IQUEZANG នៅសង្វៀនឯកភ្នំចុងខែនេះ
- 2019-07-05 04:14:54
- ចំនួនមតិ 0 | ចំនួនចែករំលែក 0
កំពូលអ្នកឌឺគ្មានពីរប៉ះគ្នាជាថ្មី កែវ រំចង់ IQUEZANG នៅសង្វៀនឯកភ្នំចុងខែនេះ
ចន្លោះមិនឃើញ
អ្នកប្រដាល់ចាស់វស្សាមកពីបាត់ដំបង កែវ រំចង់ នឹងត្រូវស្វាគមន៍មិត្តចាស់ ដែលមានប្រវត្តិប្រកួតជូរចត់ជាមួយគ្នាកន្លងមក គឺ IQUEZANG ជាថ្មីម្ដងទៀតនៅសង្វៀនឯកភ្នំ ចុងខែកក្កដា ២០១៩ ខាងមុខនេះ។
បើតាមការផ្សព្វផ្សាយលើផេកផ្លូវការរបស់សង្វៀនឯកភ្នំ ១ម៉ោងមុននេះ បានបញ្ជាក់ថា កីឡាករកម្ពុជា កែវ រំចង់ នឹងត្រូវស្វាគមន៍កីឡាករកំពូលឌឺរបស់ថៃ IQUEZANG ជាលើកទី៣ នាថ្ងៃទី២៨ ខែកក្កដា ឆ្នាំ២០១៩ ខាងមុខនេះ។
សម្រាប់អ្នកគាំទ្រប្រដាល់នៅកម្ពុជាក៏ទន្ទឹងរង់ចាំមើលការប៉ះគ្នាជាថ្មីរវាងអ្នកទាំងពីរនេះណាស់ ព្រោះបើរំលឹកដល់ឈ្មោះអ្នកលេងគុនថៃ IQUEZANG នេះឡើង គឺគេនៅចាំមិនភ្លេចឡើយការប្រកួតតានតឹង និងឌឺដងគ្នាបំផុតកាលពីពួកគេប្រកួតនៅឯកម្មវិធី Thai Fight កន្លងទៅ។
រំលឹកដែរថា កីឡាករ កែវ រំចង់ ធ្លាប់ប៉ះអ្នកលេងគុនថៃ IQUEZANG នេះ២ដងរួចមកហើយ។ លើកទី១នៅប្រទេសវៀតណាម កែវ រំចង់ ចាញ់ពិន្ទុ ខណៈលើកទី២ កែវ រំចង់ ឈ្នះពិន្ទុ IQUEZANG វិញនៅឯប្រទេសថៃ។ រង់ចាំមើលតើការប៉ះគ្នាលើកទី៣ នរណាជាម្ចាស់ជ័យជម្នះនាជំនួបមិត្តភាពអន្តរជាតិមួយនេះ៕
វីដេអូប្រកួតនៅវៀតណាម៖
វីដេអូប្រកួតនៅប្រទេសថៃ៖
