- 2019-07-04 11:47:51
- បាល់ទាត់
សមាគមបាល់ទាត់អាហ្សង់ទីនចោទ ប្រធានាធិបតីប្រេស៊ីលនៅពីក្រោយបញ្ហា VAR
- 2019-07-04 11:47:51
- ចំនួនមតិ 0 | ចំនួនចែករំលែក 0
សមាគមបាល់ទាត់អាហ្សង់ទីនចោទ ប្រធានាធិបតីប្រេស៊ីលនៅពីក្រោយបញ្ហា VAR
ចន្លោះមិនឃើញ
សមាគមបាល់ទាត់អាហ្សង់ទីន AFA ថ្កោលទោសពីការកាត់ក្ដីរបស់អាជ្ញាកណ្ដាលក្នុងប្រកួតរវាងអាហ្សង់ទីន និងក្រុមម្ចាស់ផ្ទះប្រេស៊ីលនៅវគ្គពាក់កណ្ដាលផ្ដាច់ព្រ័ត្រនៃ Copa America ថា ជាកំហុសដ៏ធ្ងន់ធ្ងរមួយនៃកាត់សេចក្ដីការប្រកួតរបស់អាជ្ញាកណ្ដាល។
ក្នុងលិខិតរបស់ AFA សរសេរជូនសហព័ន្ធបាល់ទាត់អាមេរិកខាងត្បូងបានលើកយក ការមិនឲ្យបាល់ពិន័យ ១១ម៉ែត្រ ដោយកំហុសរបស់ Dani Alves លើកីឡាករ Sergio Aguero និងការបដិសេធគ្រាប់បាល់របស់ Roberto Firmino។
ក្រៅពីនេះ តាមរយៈលិខិតចំនួន ៦ទំព័រសរសេរជូនសហព័ន្ធបាល់ទាត់អាមេរិកខាងត្បូង AFA បានបញ្ជាក់ថា បញ្ហាទំនាក់ទំនងរវាងអាជ្ញាកណ្ដាលលើទីលាន និងអាជ្ញាកណ្ដាល VAR គឺប្រធានាធិបតីប្រេស៊ីលលោក Jair Bolsonaro ជាអ្នកនៅពីក្រោយ។
AFA បានក៏បានចោទលោកប្រធានាធិបតី Bolsonaro ថាប្រើប្រាស់ព្រឹត្តិការណ៍ Copa America នេះ មានអត្តចរិតនយោបាយយ៉ាងច្បាស់។
បើយោងតាមសារព័ត៌មាន Globo Esporte លោកប្រធានាធិបតីប្រេស៊ីលបានមានវត្តមានក្នុងការប្រកួតនេះ ហើយរលកប្រេកង់វិទ្យុរបស់ក្រុមសន្តិសុខរបស់លោក បានបញ្ចេញក្នុងពេលតំណាលជាមួយនឹងការទាក់ទងគ្នារបស់អាជ្ញាកណ្ដាលលើទីលាន និងអាជ្ញាកណ្ដាល VAR ដែលធ្វើឲ្យទំនាក់ទំនងមានការរអាក់រអួល។
យ៉ាងណាមិញ សហព័ន្ធបាល់ទាត់អាមេរិកខាងត្បូងបានបញ្ជាក់ថា VAR ដែលប្រើប្រាស់ក្នុងប្រកួតប្រេស៊ីល និងអាហ្សង់ទីន ពិតជាមានបញ្ហា ហើយមានការរៀបចំទុកជាមុន នៅមុនពេលប្រកួតនេះ៕