- 2019-06-25 01:17:56
- ប្រវត្តិ
កន្លងមក ប្រទេសអាស៊ីធ្វើម្ចាស់ផ្ទះ FIFA World Cup ប៉ុន្មានដងហើយ?
- 2019-06-25 01:17:56
- ចំនួនមតិ 0 | ចំនួនចែករំលែក 0
កន្លងមក ប្រទេសអាស៊ីធ្វើម្ចាស់ផ្ទះ FIFA World Cup ប៉ុន្មានដងហើយ?
ចន្លោះមិនឃើញ
គិតចាប់តាំងពីព្រឹត្តិការណ៍ FIFA World Cup បង្កើតមកនៅឆ្នាំ១៩៣០ មានប្រទេសចំនួន ១៥ មកពីទ្វីបចំនួន ៥ ដែលរាប់បញ្ចូលទាំងទ្វីបអាស៊ី បានធ្វើជាម្ចាស់ផ្ទះនៃព្រឹត្តិការណ៍នេះ។
យ៉ាងណាមិញ ទ្វីបអាស៊ីបានធ្វើម្ចាស់ផ្ទះនៃព្រឹត្តិការណ៍បាល់ទាត់ពិភពលោកនេះបានតែម្ដងគត់គឺ កាលពីសាធារណរដ្ឋកូរ៉េ (កូរ៉េខាងត្បូង) និងជប៉ុន រួមគ្នាធ្វើជាសហម្ចាស់ផ្ទះនៅក្នុងឆ្នាំ២០០២។
កាលនោះប្រទេសប្រេស៊ីល បានលើកពាន FIFA World Cup ក្រោយយកឈ្នះប្រទេសអាល្លឺម៉ង់ ហើយព្រឹត្តិការណ៍ឆ្នាំនោះក៏ជាព្រឹត្តិការណ៍មួយដ៏ចម្រូងចម្រាសដោយកូរ៉េខាងត្បូងបានឡើងដល់វគ្គពាក់កណ្ដាលផ្ដាច់ព្រ័ត្រ នេះបើតាមការយល់ឃើញរបស់មជ្ឈដ្ឋានបាល់ទាត់មួយចំនួន។
ទោះជាយ៉ាងណាក៏ដោយ FIFA World Cup នឹងត្រូវបានលេងក្នុងប្រទេសអាស៊ីនៅឆ្នាំ២០២២ បន្ទាប់ពីកាតារបានដេញថ្លៃដោយជោគជ័យកាលពីពេលកន្លងទៅ ហើយក៏មានព័ត៌មានមួយចំនួនដែលថាប្រទេសអាស៊ី រួមទាំងតំបន់អាស៊ានយើងនេះ ចូលរួមដេញថ្លៃធ្វើម្ចាស់ផ្ទះព្រឹត្តិការណ៍ពិភពលោកនៅឆ្នាំ២០៣៤ ផងដែរ។
ទ្វីបដែលបានរៀបចំធ្វើជាម្ចាស់ផ្ទះ World Cup ភាគច្រើនមកប្រទេសនៅតំបន់អឺរ៉ុប ដោយបានធ្វើជាម្ចាស់ចំនួន ១១ដងឯណោះ ហើយលើកចុងក្រោយនេះគឺនៅឆ្នាំ២០១៨ ដែលប្រទេសរុស្ស៊ីធ្វើជាម្ចាស់ផ្ទះ៕
