- 2019-06-21 11:01:57
- បាល់ទាត់
ផ្លូវការ! Petr Cech ត្រូវបានតែងតាំងជាទីប្រឹក្សាក្លឹប Chelsea!
- 2019-06-21 11:01:57
- ចំនួនមតិ 0 | ចំនួនចែករំលែក 0
ផ្លូវការ! Petr Cech ត្រូវបានតែងតាំងជាទីប្រឹក្សាក្លឹប Chelsea!
ចន្លោះមិនឃើញ
លោក Petr Cech ដែលជាអតីតអ្នកចាំទីក្រុមជម្រើសជាតិឆេក បានត្រលប់មកកាន់ក្លឹប Chelsea វិញហើយ ក្នុងតួនាទីជា ទីប្រឹក្សារបស់ក្លឹបទទួលបន្ទុកលើកិច្ចការបច្ចេកទេស និងទម្រង់លេង។
តួនាទីរបស់លោកគឺ ផ្ដល់ដំបូន្មានទៅលើកិច្ចការទាំងឡាយដែលពាក់ព័ន្ធនឹងទម្រង់លេង និងបាល់ទាត់របស់ក្លឹបទាំងមូល ក៏ដូចជាពង្រឹងទំនាក់ទំនងរវាងក្រុមយុវជន និងក្រុមឈុតធំ ព្រមទាំងធានាឲ្យបានការប្រកបការងារដោយប្រសិទ្ធភាព នៅក្នុងស្ថាប័នទាំងអស់របស់ក្លឹប។
មិនតែប៉ុណ្ណោះ ការងាររបស់ Petr Cech គឺតម្រូវឲ្យរូបគេធ្វើការជាមួយគ្រូបង្វឹក និងបុគ្គលិកទាំងអស់ ហើយថែមទាំងធ្វើដំណើរជាមួយក្រុមឈុតធំទាំងក្នុងដី និងក្រៅដី ហើយផ្ដោតសំខាន់លើក្បួនយុទ្ធសាស្ត្រ និងទម្រង់លេងរបស់ក្រុម។
គួរបញ្ជាក់ផងដែរថា Petr Cech បានចំណាយពេលវេលាចុងក្រោយនៃអាជីពរបស់គេជាមួយក្លឹប Arsenal ហើយចូលព្យួរស្រោមដៃ ក្រោយពេលដែលចាញ់វគ្គផ្ដាច់ព្រ័ត្រ UEFA Europa League កាលពីខែឧសភា កន្លងទៅ៕
