- 2019-06-19 08:17:01
- ប្រដាល់
ស៊ន អេលីត៖ បើសូម្បីជញ្ជីងថ្លឹងកីឡាករក៏គ្មានផង មិនដឹងបើកក្លឹបធ្វើអីទេ
- 2019-06-19 08:17:01
- ចំនួនមតិ 0 | ចំនួនចែករំលែក 0
ស៊ន អេលីត៖ បើសូម្បីជញ្ជីងថ្លឹងកីឡាករក៏គ្មានផង មិនដឹងបើកក្លឹបធ្វើអីទេ
ចន្លោះមិនឃើញ
គ្រូប្រដាល់មកពីក្លឹបឆ្មាសសែនសុខ លោក ស៊ន អេលីត ជ្រេញនិងកីឡាករមួយចំនួន រួមនិងគ្រូក្លឹបខ្លះៗផងដែរ ព្រោះពេលមកថ្លឹងទម្ងន់ម្ដងៗតែងតែលើសទម្ងន់កំណត់ ឬលើសទម្ងន់ដៃគូ ទើបលោកសរសេរលើហ្វេសបុកបែបនេះ «បើគ្រាន់តែជញ្ជឹងថ្លឹងមួយក៏គ្មានដែរ មិនដឹងបើកក្លឹបធ្វើអីទេបិទទៅល្អជាង»។
ទាក់ទងទៅនិងបញ្ហាថ្លឹងទម្ងន់នេះដែរ កីឡាករគុនខ្មែរមួយចំនួនក៏តែងតែរអ៊ូស្រដៀងទៅនិង លោកគ្រូ ស៊ន អេលីត ផងដែរនាពេលកន្លងមកដែរ។ កីឡាករមួយចំនួន មិនសូវយកចិត្តទុកដាក់រឿងធ្វើទម្ងន់ឲ្យបានត្រឹមត្រូវនោះទេ ពោលពេលថ្លឹងគឺតែងតែលើស ហើយត្រូវរត់សម្រកចំណាយពេលយូរ ឬជួនកាលបានការសម្របសម្រួលឲ្យប្រកួតទាំងលើសទម្ងន់គ្នាតែម្ដង ព្រោះខ្លាចខូចកម្មវិធីរបស់ទូរទស្សន៍។ ប៉ុន្តែកីឡាករមួយចំនួនក៏គេត្រឹមត្រូវ និងថែរក្សាទម្ងន់ឡើងប្រកួតបានល្អផងដែរ មិនមានគំនិតខូច ឬចង់មានតែមទម្ងន់ជាងដៃគូនោះឡើយ។
លោក ស៊ន អេលីត បានសរសេរលើហ្វេសបុករបស់លោកម្សិលមិញនេះថា «បើគ្រាន់តែជញ្ជឹងថ្លឹងមួយក៏គ្មានដែរ មិនដឹងបើកក្លឹបធ្វើអីទេបិទទៅល្អជាង» ទំនងលោកឃើញបញ្ហាដដែលជាដដែល រឿងថ្លឹងទម្ងន់កីឡាករម្ដងៗតែងតែលើសគ្នា ទើបសរសេរដាក់លើហ្វេសបុកបែបនេះ។ អាចជាការណែនាំមួយដល់ក្លឹបប្រដាល់ខ្លះៗផងដែរ ឲ្យពិនិត្យទម្ងន់សិស្សរបស់ខ្លួនឲ្យបានត្រឹមត្រូវមុននិងមកថ្លឹងឡើងប្រកួត ខណៈដែលសិស្សលើសទម្ងន់ទាំងនោះ ឆ្លើយដោះសារថាគ្មានជញ្ជីងថ្លឹងនៅក្លឹប។ ដូច្នេះបើបានជាលោក ស៊ន អេលីត និយាយថាបើកជញ្ជីងត្រឹម២០ដុល្លារ ក៏គ្មានទិញដាក់ក្លឹបដែរ កុំបើកក្លឹបប្រដាល់ធ្វើអី។
ស៊ន អេលីត ជាគ្រូបង្វឹកនៅក្លឹបប្រដាល់ឆ្មាសសែនសុខ ដែលមានទីតាំងនៅក្នុងខណ្ឌឬស្សីកែវ រាជធានីភ្នំពេញ។ ចំណែកសារដែលលោកបានបង្ហោះនេះគឺនៅថ្ងៃម្សិលមិញ ម៉ោងប្រហែល១០ព្រឹក៕