ប្រដាល់ឲ្យតែភ្លាត់ ដឹងតែដេកហើយមិនថាទឹកទី១ ឬទីប៉ុន្មាននោះទេ

2019-06-17 07:36:28
ប្រដាល់

2019-06-17 07:36:28
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីក្លឹបតាព្រហ្មមានជ័យ សា រឿងចន្ទ ភ្លាត់ស្នៀតសន្លប់ទឹកទី១ របស់អ្នកលេងគុនថៃ កាលពីថ្ងៃសៅរ៍កន្លងទៅនេះក្នុងសង្វៀនប្រដាល់ទូរទស្សន៍ប៉ុស្តិ៍លេខ៥។

សារឿង ចន្ទ(ក្រហម)

កូនសិស្សលោកគ្រូ មាស សុខគ្រី ខាងលើនេះ ត្រូវតាចាស់ Reda របស់ថៃ ផ្ដួលផុយៗនៅទឹកទី១ នៃការប្រកួតមិត្តភាពប្រចាំសប្ដាហ៍របស់សង្វៀន TV5 ។ សា រឿងចន្ទ ដើមទឹកដំបូងចេញវុធមួៗ និងយោកខ្លួនតាមចង្វាក់ភ្លេចប៉ុណ្ណោះ មិនបានចេញអាវុធ ឬប្រុងប្រយ័ត្នខ្លាំងនោះទេ ពោលពេលកីឡាករថៃ Reda ចេញកណ្ដាប់ដៃមក ទើបខ្លួនចេញសងវិញ ខណៈការទាត់ជើងក្រោម១-២ធម្មតា។

សារឿង ចន្ទ ពេលចាញ់ថៃ

ខ្លាចាស់វ័យ ៣០ឆ្នាំជាងរបស់ថៃខាងលើនេះ មិនបានស្ទាបស្ទង់ជាមួយ សារឿង ចន្ទ នោះឡើយ គឺគិតតែចេញកណ្ដាប់ដៃឆ្វេងស្ដាំធ្ងន់ៗ និងទាត់ក្រោមផងលើផង។ ការម៉ាត់ខាវដាំរបស់ថៃគឺពេញកម្លាំង និងឆក់កែវបេះចូលមុខ សារឿង ចន្ទ សន្លប់ចុងទឹកទី១តែម្ដងទៅ។ នៅពេលគ្រូពេទ្យសម្រួលចលនាឲ្យ សារឿង ចន្ទ ដឹងខ្លួនវិញ គេឃើញអ្នកប្រដាល់កម្ពុជារូបនេះញញឹម បែបហួសចិត្តដែលភ្លាត់សន្លប់ក្នុងទឹកទី១។

កីឡាករថៃ Reda

រំលឹកដែរថា កម្មវិធីប្រកួតជម្រុះចាញ់ធ្លាក់ពានរង្វាន់ TV5 ទម្ងន់៥៤គីឡូក្រាម កាលពីថ្ងៃសៅរ៍ ទី១៥ ខែមិថុនា ២០១៩ សប្ដាហ៍មុននេះមិនមានការប្រកួតនោះទេ ដោយសារទុកឲ្យកីឡាករទាំង៤រូបនេះសម្រាកត្រៀមវ៉ៃវគ្គពាក់កណ្ដាលផ្ដាច់ព្រ័ត្រ។ ចំណែកគូមិត្តភាពអន្តរជាតិប្រចាំសប្ដាហ៍កាលនោះគឺ សារឿង ចន្ទ សន្លប់ក្រោមថ្វីដៃតាចាស់ Reda ក្នុងទឹកទី១៕

អត្ថបទ៖ នួន ស៊ីណា