- 2019-06-16 04:49:00
- បាល់ទាត់
ការលំបាកដែល Divock Origi ហែលឆ្លងដើម្បីក្លាយជាវីរបុរសនៅ Liverpool
- 2019-06-16 04:49:00
- ចំនួនមតិ 0 | ចំនួនចែករំលែក 0
ការលំបាកដែល Divock Origi ហែលឆ្លងដើម្បីក្លាយជាវីរបុរសនៅ Liverpool
ចន្លោះមិនឃើញ
កីឡាបាល់ទាត់គឺនិយាយអំពី៖ ពេលអ្នកល្បី អត្តចរិត ភាពអត់ធ្មត់ និង ការបន្តបោះជំហានទៅមុខ។
ចំណុចទាំងអស់នេះហើយ ដែលធ្វើឲ្យកីឡាករមានទេពកោសល្យខ្លះមិនងាយឈានទៅដល់ចំណុចកំពូល។ ប៉ុន្តែវាក៏អាចធ្វើឲ្យកីឡាករលំដាប់ពិភពលោកម្នាក់ក្លាយទៅជាវីរបុរសក្នុងក្លឹបមួយដែរ ហើយនេះជាអ្វីដែលកើតឡើងចំពោះ Divock Origi នៅ Liverpool ។
កីឡាករបែលហ្ស៊ិករូបនេះបានមកដល់ Anfield ក្នុងនាមជាខ្សែប្រយុទ្ធវ័យក្មេង មានរូបរាងស្គមស្គាំង និង លេងបានតែ១ប្រកួតប៉ុណ្ណោះពេញមួយរដូវកាល ក្រោយ Liverpool បានចុះកុងត្រាក្នុងតម្លៃ ១០ លានផោន (១២,៥ លានដុល្លារ) និង ក្រោយមកបានដាក់ឲ្យក្លឹបលីល (Lille) ខ្ចីជើង។
ការលំបាកមួយចំនួនដែល Origi ត្រូវជម្នះក្នុងអាជីពនៅ Liverpool
Origi ជាប់ជាខ្សែប្រយុទ្ធអន់បំផុតប្រចាំរដូវកាល ក្នុងនាមជាកីឡាករខ្ចីជើងនៅក្លឹបលីលក្របខ័ណ្ឌ Ligue 1 ដោយរកបានត្រឹម៨គ្រាប់ក្នុងចំណោម៣៣ប្រកួតកាលពីរដូវកាល ២០១៣-១៤។
បន្ទាប់មក លីលក៏បញ្ជូន Origi ទៅក្លឹបដើមនៅអង់គ្លេសវិញ។ រស់នៅទ្រនំហង្សក្រហមអស់៣រដូវកាល កីឡាករវ័យ២៤ឆ្នាំស៊ុតបានត្រឹម ១២គ្រាប់នៅ Premier League ហើយកាលពីរដូវកាល ២០១៧-១៨ កីឡាកររូបនេះបានបង្ហាញខ្លួនត្រឹមតែ១ប្រកួតប៉ុណ្ណោះពេញ១រដូវកាលឲ្យ Liverpool មុនពេលដែលក្លឹបម្ចាស់ពាន Champions League ៦ដង ដាក់ Origi ឲ្យ Wolfsburg ខ្ចីជើងបន្តទៀត។
ជីវិតការងារ Origi ត្រដែតបានមួយភ្លែត ក៏លេចបាត់វិញនៅទឹកដីអាឡឺម៉ង់
កីឡាករបែលហ្ស៊ិកត្រូវបានហង្សក្រហមបញ្ជូនឲ្យ Wolfsburg ខ្ចីជើងនារដូវក្តៅឆ្នាំ ២០១៧។ Origi ចាប់ផ្តើមរដូវកាលរបស់ខ្លួនយ៉ាងល្អ ស៊ុតបាន៤គ្រាប់ក្នុងចំណោម៩ប្រកួតនៅ Bundesliga។
ប៉ុន្តែបន្ទាប់ពីគ្រូបង្វឹក Martin Schmidt បានជំនួសលោក Andries Jonker, Origi ក៏ត្រូវបានប្តូរពីខ្សែប្រយុទ្ធកណ្តាលទៅលេខស្លាបស្ដាំ។ ភាពត្រចះត្រចង់របស់កីឡាករ Liverpool ក៏ត្រូវកប់បាត់ទៅវិញ ដោយស៊ុតបាន១គ្រាប់ក្នុងចំណោម១៧ប្រកួត។
អវត្តមាន Firmino និង Salah ចំប្រកួតសំខាន់ វីរបុរសពិតប្រាកដបង្ហាញខ្លួន នោះគឺ Origi
ក្រុមហង្សក្រហមប្រហែលជាមិនអាចបន្ថែមពានរង្វាន់ទ្វីបអឺរ៉ុបលើកទី៦ទេ ប្រសិនបើមានក្លឹបណាមួយឲ្យតម្លៃសមរម្យដល់ Liverpool ដើម្បីទិញ Origi។
Liverpool ត្រូវបានគេរាយការណ៍ថាចង់លក់ Origi ប៉ុន្តែមិនមានក្លឹបណាចាប់អារម្មណ៍សោះ ដូច្នោះ កីឡាករវ័យ២៤ឆ្នាំ បានត្រឹមអង្គុយកៅអីបម្រុង ទាំងក្នុងលីគនិងពានទ្វីបអឺរ៉ុបដើម្បីរង់ចាំមើល Jurgen Klopp បក់ដៃអាលនឹងមានឱកាសប្តូរសំលៀកបំពាក់ចូលទីលាន។
កីឡាករមិនសូវល្បី Origi នឹងត្រូវបានហង្សក្រហមចារឹកឈ្មោះក្នុងប្រវត្តិសាស្ត្ររបស់ក្លឹប ក្រោយស៊ុតម្នាក់២គ្រាប់ជាមួយ Georginio Wijnaldum វាយបកយកឈ្នះ Barcelona ៤-០ ត្រួសត្រាយផ្លូវ Liverpool បន្ថែមពាន Champions League រដូវកាល ២០១៨-១៩៕
អាន៖ Klopp សារភាពថាលោកនឹងត្រូវបានគេវាយតម្លៃតាមរយៈពានរង្វាន់
អាន៖ Carragher ចង់ឲ្យយក Coutinho មកវិញព្រោះ Liverpool គ្មានកម្រិតខ្សែបម្រើដែល Man City មាន