- 2019-06-15 01:32:47
- ប្រវត្តិ
តាំងពី Ronaldo ចេញមក អ្នកពាក់លេខ ៧ ទាំងអស់នៅ Man Utd រកបានតែ ១៤គ្រាប់នៅ PL
- 2019-06-15 01:32:47
- ចំនួនមតិ 0 | ចំនួនចែករំលែក 0
តាំងពី Ronaldo ចេញមក អ្នកពាក់លេខ ៧ ទាំងអស់នៅ Man Utd រកបានតែ ១៤គ្រាប់នៅ PL
ចន្លោះមិនឃើញ
ក្នុងខែមិថុនា ឆ្នាំ២០០៩ ខ្សែប្រយុទ្ធព័រទុយហ្គាល់កីឡាករ Cristiano Ronaldo បានចាកចេញពីក្លឹប Manchester United ទៅកាន់ក្លឹប Real Madrid ហើយចាប់តាំងពីពេលនោះមក មានកីឡាករ ៥រូបហើយដែលបានស្នងអាវលេខ ៧ ពី Ronaldo។
កីឡាករដំបូងគេគឺ អតីតខ្សែប្រយុទ្ធក្លឹប Liverpool កីឡាករ Michael Owen។ គាត់រកបានតែ ៥គ្រាប់ប៉ុណ្ណោះ ក្នុងការបង្ហាញខ្លួន ៣១ដងនៅ Premier League។ ក្រោយមកអតីតខ្សែស្លាបអេក្វាឌ័រ Antonio Valencia (បច្ចុប្បន្នលេងជាខ្សែការពារស្លាប) រកបានតែ ១គ្រាប់ប៉ុណ្ណោះ នៅរដូវកាល ២០១២/១៣ (ឆ្នាំដែលគេពាក់លេខ ៧)។
បន្តមកទៀតគឺខ្សែស្លាបអាហ្សង់ទីនកីឡាករ Angel Di Maria កីឡាកររូបនេះលេងបានតែមួយឆ្នាំប៉ុណ្ណោះនៅ Manchester United ហើយរកបាន ៣គ្រាប់នៅក្របខ័ណ្ឌលីគកំពូលអង់គ្លេស។ ខ្សែស្លាប Paris Saint-Germain រូបនេះ ត្រូវបានជំនួសដោយខ្សែស្លាបហុល្លង់កីឡាករ Memphis Depay។ កីឡាករហុល្លង់នេះ រកបានតែ ២គ្រាប់ទេ នៅ Premier League។
លុះមកដល់ជំនាន់ Mourinho កីឡាករអាមិននៀ Henirkh Mkhitaryan បានពាក់អាវលេខ ៧ បន្ត ហើយរកបានតែ ៥គ្រាប់ទេ ក្នុង Premier League ហើយមកដល់បច្ចុប្បន្ននេះខ្សែប្រយុទ្ធឈីលី Alexis Sanchez រកបាន ៣គ្រាប់ទេ។
សូមបញ្ជាក់ផងដែរថា Ronaldo បានរកគ្រាប់បាល់ចំនួន ៨៤គ្រាប់ ក្នុងក្របខ័ណ្ឌ Premier League នៅរយៈពេល ៦ឆ្នាំ ដែលគេប្រកបអាជីពនៅ Manchester United៕