- 2019-06-13 03:10:12
- បាល់ទាត់
Spurs ចង់ជះលុយ៦០លានផោន ទិញកីឡាករបារាំងម្នាក់បំបែកកំណត់ត្រាក្លឹប
- 2019-06-13 03:10:12
- ចំនួនមតិ 0 | ចំនួនចែករំលែក 0
Spurs ចង់ជះលុយ៦០លានផោន ទិញកីឡាករបារាំងម្នាក់បំបែកកំណត់ត្រាក្លឹប
ចន្លោះមិនឃើញ
លោក Mauricio Rochettino បានដាក់សំណើដេញថ្លៃ៦០លានផោន ដើម្បីទិញយកខ្សែបម្រើបារាំង Tanguy Ndombele។
អ្នកចាត់ការរបស់ Spurs បានកំណត់ឈ្មោះរបស់ខ្សែបម្រើរបស់ក្លឹប Lyon ខាងលើជាគោលដៅទីមួយទិញក្នុងរដូវក្ដៅនេះ ហើយក្លឹបនឹងផ្ដល់អាទិភាពដល់គាត់មុនពេលបន្តកិច្ចសន្យាផ្សេងទៀត។ Ndombele វ័យ២២ឆ្នាំធ្លាប់ស្ថិតក្នុងរ៉ាដារបស់ក្លឹប Manchester City មុនពេលពួកគេបែរទៅចាប់អារម្មណ៍កីឡាករ Rodri របស់ Atletico វិញ។
Spurs ត្រូវប្រឈមមុខប្រជែងជាមួយក្រុមជើងឯករបស់អ៊ីតាលីJuventus ដើម្បីទិញយក Ndombele។ Lyon បានកំណត់តម្លៃកីឡាកររបស់ខ្លួនគឺ៦៥លានផោន ដែលពួកគេទិញកាលពីរដូវកាលមុនតែ៧លានផោនប៉ុណ្ណោះពីក្លឹប Amiens។ ប្រសិនបើ Spurs ទិញបានមែន វាជាកំណត់ត្រាកីឡាករថ្លៃជាងគេរបស់ក្លឹប ដោយកំណត់ត្រាបច្ចុប្បន្នកំពុងកាន់កាប់ដោយកីឡាករ Davinson Sanchez តម្លៃ៤២លានផោន ទិញពី Ajax៕