ដឹងអត់? ក្លឹប Sisaket របស់លីគថៃប្រើគោព្រៃ សត្វនិមិត្តរូបកម្ពុជាធ្វើជាឡូហ្គោ

2019-06-12 07:56:29
ព័ត៌មាន

2019-06-12 07:56:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់មួយរបស់ថៃដែលមានឈ្មោះថា ស៊ីសាកេត ឬ Sisaket Football Club បានយកសត្វគោព្រៃរបស់កម្ពុជាធ្វើជាឡូហ្គោ និងជានិមិត្តរូបរបស់ក្លឹប។

Mascot គោព្រៃ និងកីឡាករក្រុម Sisaket

បង្កើតនៅក្នុងឆ្នាំ១៩៩៩ បច្ចុប្បន្នមានអាយុ២០ឆ្នាំ Sisaket កំពុងធ្វើការប្រកួតប្រជែងនៅលីគលំដាប់ទី២របស់ថៃ ហើយក្រុមនេះធ្លាប់លេងនៅ Thai Premier League ដែលជាក្របខ័ណ្ឌកំពូលលើកដំបូងក្នុងឆ្នាំ២០១០ និងធ្លាប់បញ្ចប់រដូវកាលលេខ៦ ដែលជាកំណត់ត្រាល្អបំផុតក្នុងប្រវត្តិសាស្ត្រពួកគេ។

Sisaket មានឡូហ្គោដោយដាក់សត្វគោព្រៃ២ក្បាលនៅសងខាង ហើយមានប្រាសាទនៅចំកណ្ដាល។ គោព្រៃមិនត្រឹមជាឡូហ្គោរបស់ក្លឹបទេ ថែមទាំងជា Mascot របស់ក្លឹបថែមទៀតផង។ Sisaket ក៏បានយកគោព្រៃជារហស្សនាមក្លឹបដែរ គឺ "กูปรีอันตราย" ប្រែថាគោព្រៃកំណាច។

គួរបញ្ជាក់ថាគោព្រៃជាសត្វនិមិត្តរូបនៃព្រះរាជាណាចក្រកម្ពុជាតំណាងឲ្យពពួកថនិកសត្វ។ វាស្ថិតក្នុងក្រុមប្រភេទជិតផុតពូជ ហើយមិនមានគោព្រៃណាមួយត្រូវបានគេប្រទះឃើញទេ អស់ពេលជាច្រើនឆ្នាំមកហើយ៕