- 2019-06-11 01:49:27
- ព័ត៌មាន
Rooney ថា Man Utd សព្វថ្ងៃនេះចង់ Messi, Ronaldo មកទៀតក៏ពិបាកសង្គ្រោះដែរ
- 2019-06-11 01:49:27
- ចំនួនមតិ 0 | ចំនួនចែករំលែក 0
Rooney ថា Man Utd សព្វថ្ងៃនេះចង់ Messi, Ronaldo មកទៀតក៏ពិបាកសង្គ្រោះដែរ
ចន្លោះមិនឃើញ
ការទិញកីឡាករលំដាប់ពិភពលោកដូចជា Lionel Messi, Cristiano Ronaldo, Gareth Bale និង Sergio Ramos មិនអាចជួយស្រោចស្រង់ក្រុម Manchester United បានទេនៅដំណាក់កាលនេះ។ នេះបើតាមសម្ដីអតីតប្រធានក្រុម Wayne Rooney។
កីឡាករសញ្ជាតិអង់គ្លេសដែលកំពុងប្រកបអាជីពនៅ DC United នៃក្របខ័ណ្ឌកំពូលអាមេរិកគ្មានកូនចិត្តណាមួយសង្ឃឹមថាក្រុមលោក Ole Gunnar Solskjaer អាចប្រជែងពាន Premier League បាននៅរដូវកាលថ្មីខាងមុខឡើយ។ Rooney មើលឃើញថា Ole គួរតែប្រើរដូវកាលក្រោយពង្រឹងក្រុម ជាជាងប្រឹងដណ្ដើមពានទាំងអន្ទះសា។
ដំណាក់កាលដំបូងនេះ Ole គួរកសាងក្រុមឲ្យរឹងមាំ។ ការយកកីឡាករកំពូល ១ឬ២តម្លៃ១០០លានផោន មិនអាចជួយកីឡាករផ្សេងទៀតឲ្យលេងល្អបានទេ United គប្បីចំណាយត្រឹម ៣០, ៤០លានលើកីឡាករក្មេងៗមានទេពកោសល្យដើម្បីនាំលេងក្នុងក្រុមល្អជាង។ Rooney និយាយដូច្នេះ៕