- 2019-06-09 06:35:27
- ប្រដាល់
ឡៅ ចិត្រា ផ្ដួលថៃ ឲ្យសន្លប់មុននេះយកខ្សែក្រវាត់ប្រាក់នៅ PNN
- 2019-06-09 06:35:27
- ចំនួនមតិ 0 | ចំនួនចែករំលែក 0
ឡៅ ចិត្រា ផ្ដួលថៃ ឲ្យសន្លប់មុននេះយកខ្សែក្រវាត់ប្រាក់នៅ PNN
ចន្លោះមិនឃើញ
អ្នកប្រដាល់ល្បីឈ្មោះរបស់កម្ពុជា ឡៅ ចិត្រា ធ្វើបានល្អដោយផ្ដួលកីឡាករថៃ កងស្យាម ឲ្យសន្លប់មិនអាចបន្តដំណើរឲ្យចប់៥ទឹកនោះឡើយ នាជំនួបផ្ដាច់ព្រ័ត្រដណ្ដើមខ្សែក្រវាត់ប្រាក់របស់សង្វៀន PNN ទម្ងន់៦០គីឡូក្រាមមុននេះ។
ម្ចាស់មេដាយសំរឹទ្ធស៊ីហ្គេម ២០១៧ របស់កម្ពុជាខាងលើនេះ ហាក់មានទំនុកចិត្តខ្លាំង ថានឹងយកឈ្នះនាការប្រកួតដ៏សំខាន់មួយនេះ។ ចិត្រា បានប្រើស្នៀតធ្ងន់ៗរបស់គេ ដូចជាទាត់លើ ទាត់ក្រោម និងកណ្ដាប់ដៃជាច្រើននៅក្នុងទឹកទី១ ដែលសុទ្ធតែជាជំនាញរបស់អ្នកលេងគុនខ្មែរវ័យក្មេងខាងលើនេះ វ៉ៃស្ទើរដៃគូដកដង្ហើមមិនចង់ទាន់។ ដោយសារតែត្រូវនិង១ដៃឆ្វេងប្អូនប្រុស ឡៅ ចន្រ្ទា នៅដើមទឹកទី២ ធ្វើឲ្យកីឡាករ កងស្យាម ក៏ចាញ់ត្រឹមទឹកនេះតែម្ដង បាត់បង់ឱកាសឈ្នះខ្សែក្រវាត់ប្រាក់។
រំលឹកដែរថា កីឡាករ ឡៅ ចិត្រា បានផ្ដួលកីឡាករថៃ កងស្យាម ឲ្យសន្លប់ក្នុងទឹកទី២មុននេះ ក្នុងកម្មវិធីដំណើរឆ្ពោះទៅការដណ្ដើមខ្សែក្រវាត់មាសរបស់សង្វៀន PNN ដែលមានប្រាក់រង្វាន់១ម៉ឺនដុល្លារ។ ចិត្រា ជាបេក្ខភាពដំបូងគេដែលបានឈ្នះខ្សែក្រវាត់ប្រាក់ នឹងបានឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់មាស ទម្ងន់ ៦០គីឡូក្រាម៕
