កែវ រំចង់ប៉ះជើងខ្លាំងម្ចាស់ខ្សែក្រវាត់ ISKA កីឡាករប្រេស៊ីល Diego (វីដេអូ)

2019-05-29 07:02:39
ប្រដាល់

2019-05-29 07:02:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កែវ រំចង់ ត្រូវជួបជើងខ្លាំងប្រេស៊ីល Diego Beneduzzi នៅសង្វៀន«ឯកភ្នំ»ក្នុងខេត្តបាត់ដំបងនាថ្ងៃទី២ ខែមិថុនា ឆ្នាំ២០១៩ខាងមុខនេះដែលសង្វៀននេះលក់សំបុត្រសម្រាប់អ្នកចូលទស្សនា។

កែវ រំចង់ និង Diego

កីឡាករប្រេស៊ីល Diego Beneduzzi មានបទពិសោធជោកជាំក្នុងពិភពប្រដាល់សេរី ហើយក៏ធ្លាប់វ៉ៃប្រដាល់គុនចម្រុះដែរ។ រូបគេបានបង្ហាញខ្លួនច្រើននៅសង្វៀនល្បីៗរបស់ថៃដូចជា Thai Fight, TOPKING និង Max Mauy Thai ជាដើម។ មិនត្រឹមតែប៉ុណ្ណោះកីឡាករប្រេស៊ីលរូបនេះធ្លាប់ឈ្នះខ្សែក្រវាត់ ISKA កម្រិតអាស៊ីគឺ Boxxtomoi Asia ISKA Welterweight Title តាំងពីឆ្នាំ២០១៧។ យ៉ាងណា មួយរយៈពេលចុងក្រោយនេះរូបការឡើងសង្វៀនរបស់គេមិនសូវជោគជ័យប៉ុន្មានឡើយ ដោយសារអាយុកាន់តែច្រើន កម្លាំងចុះខ្សោយ។

ដោយឡែកជើងខ្លាំងម្ចាស់ស្រុក កែវ រំចង់ បានឡើងសង្វៀនថ្មីឯកភ្នំនេះម្តងហើយកាលពីថ្ងៃទី៧ ខែមេសាកន្លងទៅនេះដោយផ្តួលកីឡាករបារំាង Sebastien តាមរយៈការទាត់ និងដាល់ក្បាលពោះក្នុងទឹកទី៣។

Diego ពេលឈ្នះខ្សែក្រវាត់ ISKA (រូបថត៖ tigermuaythai.com)

សង្វៀនឯកភ្នំនៅខេត្តបាត់ដំបងនេះដំណើរការប្រកួតបានមួយរយៈពេលហើយដោយទទួលបានការគាំទ្រច្រើនពីអ្នកខេត្តរបស់ខ្លួន។ កន្លែងអង្គុយធម្មតាសម្រាប់ខ្មែរសំបុត្រ១តម្លៃ ១៥ ០០០រៀល និង VIP សំបុត្រ១តម្លៃ២៥ ០០០រៀល ខណៈបរទេសតម្លៃ ២៥ ០០០រៀលសម្រាប់កន្លែងធម្មតា និងតម្លៃ ៣៥ ០០០ រៀលសម្រាប់ VIP៕

ទស្សនាវីដេអូ Diego ផ្តួលកីឡាករថៃ