- 2019-05-24 14:07:07
- បាល់ទាត់
Allegri បង្ហើបថាគ្រូបង្វឹក Juve ថ្មី ជាអ្នកចាត់ការមកពី Manchester
- 2019-05-24 14:07:07
- ចំនួនមតិ 0 | ចំនួនចែករំលែក 0
Allegri បង្ហើបថាគ្រូបង្វឹក Juve ថ្មី ជាអ្នកចាត់ការមកពី Manchester
ចន្លោះមិនឃើញ
បើតាមសារព័ត៌មានអ៊ីតាលី Sport Legnano អតីតគ្រូបង្វឹកក្លឹប Juventus លោក Massimiliano Allegri បានបង្ហើបថា គ្រូបង្វឹកថ្មីរបស់ក្លឹបមួយនេះគឺជា អ្នកចាត់ការមកពីទីក្រុង Manchester។
សារព័ត៌មានដដែលបានចុះផ្សាយថា កំឡុងពេលដែល លោក Allegri និងអតីតកីឡាករអ៊ីតាលីលោក Beppe Bergomi កំពុងតែនិយាយគ្នា នៅឱកាសសម្ពោធភោជនីយដ្ឋាន Geronimo នៅប្រទេសអ៊ីតាលី ស្រាប់តែមានអ្នកគាំទ្រសួរ Allegri ថា គ្រូបង្វឹកក្លឹប Juventus បន្ទាប់ជានរណា?
លោក Allegri បានឆ្លើយតបវិញថា អ្នកចាត់ការមួយរូបមកពីទីក្រុង Manchester នឹងមកដឹកនាំ Juventus ប៉ុន្តែលោកមិនបញ្ជាក់ឈ្មោះឲ្យប្រាកដទេ។
យ៉ាងណាក៏ដោយ កាលពីពេលថ្មីៗនេះ មានពាក្យចចាមអារ៉ាមល្ហិចល្ហៀងថា អ្នកចាត់ការក្លឹប Manchester City លោក Pep Guardiola នឹងមកដឹកនាំក្លឹបយក្សអ៊ីតាលីមួយ តែព័ត៌មានត្រូវបានច្រានចោលដោយ Guardiolaផ្ទាល់ ក៏ដូចជាថ្នាក់ដឹកនាំក្លឹប Manchester City៕