Man Utd, Spurs, Wolves... តើក្លឹបណា Bale អាចទៅ?

2019-05-21 00:16:18
បាល់ទាត់

2019-05-21 00:16:18
ចំនួនមតិ 0 | ចំនួនចែករំលែក 0

ចន្លោះមិនឃើញ

អនាគតរបស់ Gareth Bale ជាមួយ Real Madrid បានធ្លាក់ដល់ចំណុចសូន្យហើយនៅពេលនេះក្រោយពេលលោក Zinedine Zidane មិនដាក់ឲ្យរូបគេលេងសូម្បីប្រកួត La Liga ចុងក្រោយកាលពីចុងសប្ដាហ៍កន្លងទៅ។

Zidane ដែលមកដឹកនាំ Real ជាលើកទីពីរបានជួយក្រុមឈរលេខ៣ក្នុងតារាង ចាញ់ Barcelona ជាជើងឯកចំនួន១៩ពិន្ទុ។ យ៉ាងណាការមកវិញលើកនេះបុរសសញ្ជាតិបារាំងគ្រោងរុះរើកីឡាករសំខាន់មួយចំនួនចេញពិសេសគឺ Bale តែម្ដង។ លោកបាននិយាយត្រង់ៗក្រោយចាញ់ Real Betis ថា៖ "មិនដឹង Bale អាចនៅ Real បានទៀតឬក៏អត់ទេ"។

ក្ដីបារម្ភមួយទៀតរបស់ Zidane គឺមិនដឹងថាក្លឹបណាអាចយក Bale ទៅឲ្យពិតប្រាកដព្រោះរូបគេមានអាយុ២៩ឆ្នាំ និងតម្លៃជាង៥០លានផោន។ Man Utd និង Spurs ធ្លាប់មានការចាប់អារម្មណ៍លើតារាឆ្នើមសញ្ជាតិវែលប៉ុន្តែ Ole Gunnar Solskjaer ទំនងមិនចាយលុយច្រើនបែបនេះលើកីឡាករកំពុងធ្លាក់ទម្រង់លេងដូច Bale ទេ ហើយ Pochettino ក៏មិនមែនជាគ្រូបង្វឹកចូលចិត្តចាយលុយដូចគ្នា។

Paris Saint Germain ក៏ចាប់អារម្មណ៍ដែរប៉ុន្តែក្លឹបនេះត្រូវលក់កីឡាករណាដែលមានតម្លៃខ្លួនថ្លៃចេញបើចង់បាន Bale ដើម្បីគេចពីបម្រាម និងការពិន័យរឿងចាយលុយលើសចំណូល។ ដោយឡែក Wolves ដែលមានកៅអី Europa League រដូវកាលក្រោយកំពុងសម្លឹងដូចគ្នាប៉ុន្តែសាមីខ្លួនប្រហែលមិនចាប់អារម្មណ៍លើក្លឹបមធ្យមបែបនេះទេ៕