- 2019-05-17 11:54:23
- បាល់ទាត់
Juventus ប្រកាសចែកផ្លូវគ្នាជាមួយ Allegri នៅដំណាច់រដូវកាលនេះ
- 2019-05-17 11:54:23
- ចំនួនមតិ 0 | ចំនួនចែករំលែក 0
Juventus ប្រកាសចែកផ្លូវគ្នាជាមួយ Allegri នៅដំណាច់រដូវកាលនេះ
ចន្លោះមិនឃើញ
នៅអម្បាញ់មិញនេះ ក្លឹបសេះបង្កង់ Juventus បានចេញសេចក្ដីថ្លែងការណ៍តាមបណ្ដាញសង្គមរបស់ខ្លួនថា គ្រូបង្វឹករបស់ខ្លួនលោក Massimiliano Allegri នឹងចាកចេញពីក្លឹបនៅដាច់រដូវកាល ២០១៨/១៩នេះ។
Allegri នឹងនៅបន្តដឹកនាំក្លឹបមួយនេះក្នុង ២ប្រកួតចុងក្រោយនៃក្របខ័ណ្ឌលីគកំពូល មុននឹងចាកចេញពី Juventus។
បុរសជនជាតិអ៊ីតាលីរូបនេះ បានដឹកនាំក្លឹបយក្សអ៊ីតាលីបានរយៈពេល ៥ឆ្នាំ ហើយក្នុងកំឡុងពេលនេះដែរ លោកបាននាំក្លឹបមួយនេះឈ្នះពានចំនួន ១១ដងគឺ ពាន Serie A ចំនួន ៥ដង Coppa Italia ៤ដង និង Supercoppa Italia ចំនួន ២ដង។
ក្រៅពីនេះ លោកក៏បានដឹកនាំ Juventus ឡើងវគ្គផ្ដាច់ព្រ័ត្រនៃ UEFA Champions League ចំនួន ២ដងដែរគឺ នៅឆ្នាំ២០១៥ និងឆ្នាំ២០១៧ ប៉ុន្តែបរាជ័យទាំង ២លើក។
តាមព័ត៌មានល្ហិចល្ហៀងមួយចំនួនបានឲ្យដឹងថា អតីតអ្នកចាត់ការក្លឹប Chelsea លោក Antonio Conte នឹងឡើងមកជំនួស Allegri៕
អានបន្ត៖