- 2019-05-17 01:58:06
- បាល់ទាត់
Real Madrid ទិញបានខ្សែប្រយុទ្ធជើងខ្លាំងម្នាក់ តម្លៃខ្លួន៥២,៤លានផោន
- 2019-05-17 01:58:06
- ចំនួនមតិ 0 | ចំនួនចែករំលែក 0
Real Madrid ទិញបានខ្សែប្រយុទ្ធជើងខ្លាំងម្នាក់ តម្លៃខ្លួន៥២,៤លានផោន
ចន្លោះមិនឃើញ
ខ្សែប្រយុទ្ធ Luka Jovic បានបំពេញរួចរាល់ក្នុងតម្លៃខ្លួន៥២,៤លានផោនផ្ទេរទៅកាន់ Real Madrid ពីក្លឹបនៅអាល្លឺម៉ង់ Eintracht Frankfurt។
កីឡាករសញ្ជាតិស៊ែប វ័យ២១ឆ្នាំបានបង្ហាញទម្រង់លេងគួរឲ្យចាប់អារម្មណ៍ក្នុងនាមជាកីឡាករខ្ចីជើងនៅ Eintracht Frankfurt រដូវកាលនេះ។ ក្រោយខ្ចីជើងពីររដូវកាលនិងក្រោមលក្ខខណ្ឌទិញផ្ដាច់ Frankfurt ទើបតែទិញយក Jovic ជាផ្លូវការពី Benfica នៅរដូវក្ដៅនេះឯង។
តាមការឲ្យដឹង Real នឹងផ្ដល់កុងត្រាដល់ Jovic រយៈពេល៥ឆ្នាំ ហើយការនាំកីឡាករវ័យក្មេងនេះចូលគឺដើម្បីរៀបចំក្រុមឡើងវិញនិងជួយតំបន់ប្រយុទ្ធខាងលើ។ Frankfurt នឹងផ្ដល់ទឹកប្រាក់រង្វង់១០,៥លានផោនសម្រាប់ការផ្ទេរយក Jovic។ សម្រាប់រដូវកាលនេះ Jovic រកបាន២៧គ្រាប់ ក្នុងការបង្ហាញខ្លួន៤៧ប្រកួតគិតគ្រប់កម្មវិធី និងជួយ Frankfurt ឈានដល់វគ្គពាក់កណ្ដាលផ្ដាច់ព្រ័ត្រ Europa League៕
