- 2019-05-12 02:20:00
- បាល់ទាត់
បញ្ជីកីឡាករ៣នាក់នឹងចេញ ជំនួសវិញដោយកីឡាករថ្មី៣នាក់ក្រោយវិបត្តិនៅ Barca
- 2019-05-12 02:20:00
- ចំនួនមតិ 0 | ចំនួនចែករំលែក 0
បញ្ជីកីឡាករ៣នាក់នឹងចេញ ជំនួសវិញដោយកីឡាករថ្មី៣នាក់ក្រោយវិបត្តិនៅ Barca
ចន្លោះមិនឃើញ
ការធ្លាក់ចេញពី ក្របខ័ណ្ឌ Champions League របស់ Barcelona បានធ្វើឲ្យក្លឹបយក្សអេស្ប៉ាញមួយនេះចាប់ផ្តើមគិតគូរពីរដូវកាលក្រោយរួចជាស្រេច ថានឹងត្រូវជម្រុះកីឡាករ៣នាក់ចេញ ដើម្បីបន្ថែមកីឡាករថ្មី៣នាក់វិញ។
យោងតាមវេបសាយ Sport កីឡាករ Philippe Coutinho, Samuel Umtiti និង Ivan Rakitic ពេលវេលារបស់ពួកគេទំនងជានឹងដល់ទីបញ្ចប់ហើយជាមួយ Barcelona។
កីឡាករប្រេស៊ីល មិនបានបង្ហាញភាពលេចធ្លោឲ្យសមនឹងតម្លៃខ្លួន ១៨០លាន ដុល្លារដែល Barca បានទិញពី Liverpool សោះ។ Coutinho ពិបាកសូម្បីជាប់ជម្រើសដំបូងសម្រាប់ក្លឹបកាតាឡាន់ ហើយក្លឹបអាចនឹងលក់ចេញនៅរដូវក្តៅនេះ។
ប៉ុន្តែកីឡាករបារាំងគឺជាករណីដោយឡែក។ Umtiti លេងបានយ៉ាងល្អកាលពីរដូវកាលមុន ប៉ុន្តែខ្សែការពាររូបនេះជួបបញ្ហារបួសរ៉ាំរ៉ៃនៅរដូវកាលនេះ ហើយបង្ហាញខ្លួនបានតែ១៤ប្រកួតប៉ុណ្ណោះ។ ភារកិច្ចភាគច្រើន ធ្លាក់ទៅលើ Clement Lenglet ហើយឱកាសរបស់តារាវ័យ២៥ឆ្នាំរូបនេះកាន់តែបាត់បង់ស្របពេលដែលក្លឹបកំពុងតាមប្រមាញ់ Matthijs de Ligt វ័យ១៩ឆ្នាំពី Ajax។
ចំពោះកីឡាករក្រូអាត ត្រូវបានគេរាយការណ៍ថា Barcelona គ្រោងនឹងដាក់លក់នៅទីផ្សារដោះដូរកីឡាករនេះដែរ ខណៈដែលក្លឹបរហស្សនាមអ្នកមានបុណ្យ ក៏កំពុងចាប់អារម្មណ៍ខ្សែបម្រើ Frenkie de Jong វ័យ២១ឆ្នាំ របស់ Ajax ម្នាក់ទៀតដើម្បីជំនួសតំណែង Rakitic។
Antoine Griezmann នៅតែជាគោលដៅសម្រាប់ Barcelona បន្ទាប់ពីពួកគេបរាជ័យក្នុងការនាំយកកីឡាករបារាំងមកកាន់ទឹកដី Camp Nou កាលពីរដូវកាលមុន៕