Yaya Toureចូលនិវត្តន៍ពីពិភពបាល់ទាត់ហើយ

2019-05-10 11:20:49
បាល់ទាត់

2019-05-10 11:20:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើកូឌីវ័រកីឡាករ Yaya Toure បានប្រកាសចូលនិវត្តន៍ហើយក្នុងវ័យ ៣៥ឆ្នាំ ហើយគ្រោងនឹងចាប់ផ្ដើមអាជីពជាគ្រូបង្វឹកក្នុងប្រទេសរុស្ស៊ី។

ភ្នាក់ងាររបស់កីឡាកររូបនេះ លោក Dimitri Seluk បានប្រាប់គេហទំព័ររុស្ស៊ី Sport 24 ថា Yaya ចង់បញ្ចប់អាជីពជាជើងឯកមួយ (សំដៅលើពេលចាកចេញពី Manchester City ក្រោយពេលឈ្នះ Premier League)។ រូបគេក៏ជាកីឡាករល្អជាងគេមួយរូបក្នុងទ្វីបអាហ្វ្រិក។

លោក Seluk ក៏បាននិយាយថា កាយសម្បទាដូច Toure នេះ អាចលេងបាន ៥ឆ្នាំទៀត តែដោយគេធ្លាប់លេងឲ្យ Barcelona និង Manchester City ហើយ ដូចនេះគេមិនអាចលេងនៅកម្រិតក្រោមហ្នឹងទេ។

យ៉ាងណាមិញ Toure កំពុងគិតគូរការងារជាគ្រូបង្វឹកនៅរុស្ស៊ី ខណៈក្លឹប Olympiacos ដែលគេលេងបាន ២ប្រកួតនោះ ក៏បើកភ្លើងខៀវឲ្យដែរ។

Toure បានបង្ហាញខ្លួន ៣១៦ដង និងរកគ្រាប់បាល់បាន ៧៩គ្រាប់នៅ Manchester City ព្រមទាំងឈ្នះ ពាន Premier League ២លើក League Cup ២ដង និង FA Cup ម្ដង។ រូបគេក៏បានឈ្នះ Champions League, លីគកំពូលអេស្ប៉ាញ ២ដង, Club World Cup និង Copa del Rey ម្ដង៕