កីឡាករ ៦ នាក់ផ្សេងទៀតដែលរកគ្រាប់បាល់បាន ៦០០ គ្រាប់សម្រាប់ក្លឹបដូច Messi

2019-05-04 02:30:00
បាល់ទាត់

2019-05-04 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

១៤ ឆ្នាំរាប់តាំងពីពេលលេងដំបូងឲ្យក្រុមឈុតធំ Lionel Messi រកបានគ្រាប់បាល់ទី ៦០០ ហើយ និងបានចូលលេង ៦៨៣ ប្រកួត គិតជាមធ្យម ០,៨៧ គ្រាប់ក្នុង១ប្រកួត។

វាជារឿងមិនធម្មតានៅក្នុងប្រវត្តិសាស្ត្ររបស់ពិភពបាល់ទាត់។ ប៉ុន្តែ Messi មិនមែនជាកីឡាករដំបូងគេដែលធ្វើបាន ៦០០ គ្រាប់សម្រាប់កម្រិតក្លឹបឡើយ ពោលគឺមានកីឡាករ៦រូបផ្សេងទៀតដែលធ្លាប់ធ្វើបាន។

ប្រហែលជាមិនមានកីឡាករណាអាចរកគ្រាប់បាល់នៅកម្រិតអាជីពបានច្រើនដូច កីឡាករសញ្ជាតិអូទ្រីស Josef Bican អតីតវីរបុរស Slavia Praha អាចរកបានរហូតដល់ ៧៧៧ គ្រាប់ ហើយក៏ប្រហែលជាមិនទាន់មានកីឡាករណាអាចបំបែកអត្រាគ្រាប់ស៊ុតរបស់ Ferenc Puskas ដែលគិតជាមធ្យម ០,៩៨ គ្រាប់ក្នុង១ប្រកួតនៅពេលបញ្ចប់អាជីពរបស់លោក។

៦ Cristiano Ronaldo៖៦០០ គ្រាប់ (ចាប់ពីឆ្នាំ ២០០២ ដល់ បប្ចុប្បន្ន) ក្នុងចំណោម ៨០៣ ប្រកួត អត្រា ០,៧៤ គ្រាប់ក្នុង១ប្រកួត

៥ Ferenc Puskas៖ ៦២២ គ្រាប់ (១៩៤៣ ដល់ឆ្នាំ ១៩៦៦) ក្នុងចំណោម ៦២៩ ប្រកួត អត្រា ០,៩៨ គ្រាប់ក្នុង១ប្រកួត

កីឡាករដ៏អស្ចារ្យម្នាក់នៅក្នុងប្រវត្តិសាស្រ្តកីឡាបាល់ទាត់។ វីរបុរសហុងគ្រី និង ជាអតីតតារាឆ្នើមរបស់ Real Madrid រកបាន ៦២២ គ្រាប់ក្នុងចំណោម ៦២៩ ប្រកួតមុនចូលនិវត្តន៍ក្នុងឆ្នាំ ១៩៦៦។

៤ Gerd Muller៖ ៦៥៣ គ្រាប់ (១៩៦៣ ដល់ឆ្នាំ ១៩៨១) ក្នុងចំណោម៧០៧ ប្រកួត អត្រា ០,៩២ គ្រាប់ ក្នុង១ប្រកួត

រឿងដែលគួរឲ្យចាប់អារម្មណ៍មួយរបស់ Gerd Muller គឺអតីតខ្សែប្រយុទ្ធ Bayern រូបនេះធ្លាប់ស៊ុតបាន ៥៦៤ គ្រាប់ឲ្យក្រុមតែ១ ហើយកំណត់ត្រានេះត្រូវបានMessi បំបែកកាលពីឆ្នាំទៅ។

៣ Romario៖ ស៊ុតបាន ៦៧៩ គ្រាប់ (១៩៨៥ ដល់ឆ្នាំ ២០០៩) ក្នុងចំណោម ៨៨៦ ប្រកួត

យោងតាមការស្ទង់មតិរបស់ FIFA អតីតកីឡាករប្រេស៊ីល Romario គឺជាកីឡាករល្អបំផុតលំដាប់ទី៥នៅពាក់កណ្តាលសតវត្សចុងក្រោយនេះ។ Romario ចំណាយពេលភាគច្រើនសម្រាប់អាជីពឲ្យក្លឹប Vasco da Gama, Flamengo និង Fluminese។

២ Pele (ប៉េឡេ)៖ ៧០៧ គ្រាប់ (១៩៥៦ ដល់ឆ្នាំ ១៩៧៧) ក្នុងចំណោម ៧៦៣ ប្រកួត អត្រា ០,៩២ គ្រាប់ក្នុង១ប្រកួត

បើតាម 90MIN បានឲ្យដឹងថាវីរបុរសប្រេស៊ីល រកបាន៧០៧គ្រាប់ សរុបទាំងលេងឲ្យក្លឹប (៦៤គ្រាប់ ក្នុងចំណោម១០៧ប្រកួត និង ជម្រើសជាតិ (៦៤៣គ្រាប់ ក្នុងចំណោម៦៥៦ ប្រកួត)។

១ Josef Bican ៖ ៧៧៧ គ្រាប់ (មិនច្បាស់ចំនួនប្រកួត)

ដូចកីឡាករភាគច្រើននៅដើមសតវត្សទី២០ មានការជជែកច្រើនអំពីចំនួនគ្រាប់បាល់ស៊ុតបញ្ចូលទីរបស់កីឡាករសញ្ជាតិអូទ្រីស Josef Bican ថាតើរកបានប៉ុន្មានគ្រាប់។ បើតាម 90MIN អតីតវីរបុរសរបស់ក្លឹប Slavia Praha អាចរកបានរហូតដល់ ៧៧៧ គ្រាប់៕

ប្រភព៖ 90min ប្រែសម្រួល៖ សុខ លាងហ៊ត