- 2019-05-03 08:37:36
- ប្រដាល់
ផ្លូវការហើយ! កម្មវិធីប្រកួតប្រដាល់ធំ "អធិរាជគុនខ្មែរ" នឹងចាប់ផ្ដើមនៅ ២ សប្ដាហ៍ទៀត
- 2019-05-03 08:37:36
- ចំនួនមតិ 0 | ចំនួនចែករំលែក 0
ផ្លូវការហើយ! កម្មវិធីប្រកួតប្រដាល់ធំ "អធិរាជគុនខ្មែរ" នឹងចាប់ផ្ដើមនៅ ២ សប្ដាហ៍ទៀត
ចន្លោះមិនឃើញ
អធិរាជគុនខ្មែរ ISI PALM កម្មវិធីប្រកួតប្រដាល់ធំ ល្បី កក្រើក ជាមួយកម្រងរូបភាព សន្ធឹកវាយប្រហារ ប្លែក ពិតជាប្លែក ជក់ចិត្ត មិនធ្លាប់មាននៅកម្ពុជាដោយរៀងរាល់ការប្រកួតដណ្ដើមខ្សែក្រវាត់ប្រាក់ប្រចាំខែសម្រាប់ឈានទៅដណ្ដើមខ្សែក្រវាត់មាសក្នុងទម្ងន់ ៦០ គីឡូក្រាម អមដោយប្រាក់រង្វាន់ ៤០ លានរៀល (១០,០០០ដុល្លារអាមេរិក)។
រាល់ការដណ្ដើមយកខ្សែក្រវាត់ក្នុងកម្មវិធី «អធិរាជគុនខ្មែរ ISI PALM» មានរូបមន្តថ្មី! ពិសេស! អស្ចារ្យ! ដោយកំពូលកីឡាករប្រដាល់កម្ពុជា៨រូប នឹងតតាំងជាមួយជើងខ្លាំងថៃ៨នាក់ ចាញ់ធ្លាក់ៗ ដោយគ្មានសន្សំពិន្ទុអ្វីឡើយ។ រៀងរាល់ខែ កីឡាករកម្ពុជា ២ រូបនឹងតតាំងជាមួយកីឡាករថៃ២រូប ហើយអ្នកឈ្នះនឹងឡើងប្រកួតដណ្ដើមខ្សែក្រវាត់ប្រាក់ប្រចាំខែទល់នឹងអ្នកឈ្នះដូចគ្នា។ បន្ទាប់ពីរកឃើញម្ចាស់ខ្សែក្រវាត់ប្រាក់ទាំង៤ ពួកគេនឹងតតាំងគ្នាក្នុងវគ្គពាក់កណ្ដាលផ្ដាច់ព្រ័ត្រដើម្បីឆ្ពោះទៅដណ្ដើមខ្សែក្រវាត់មាស។
PNN និង ISI PALM បានសម្រិតសម្រាំងកំពូលអ្នកស្នងគុនខ្មែរ៨ដួងមកបំពេញបេសកកម្មដ៏មហិមានេះ រួមមានម្ចាស់មេដាយមាសស៊ីហ្គេម ឃីម ឌីម៉ា, ម្ចាស់មេដាយសំរឹទ្ធស៊ីហ្គេម ឡៅ ចិត្រា, តារាវ័យក្មេងកំពុងរះត្រដែតឡើង សុខ សាវិន, លន បញ្ញា, កូយ ឡាយ, ធន់ មករា, ឡុង ជិន និងតារាជើងចាស់ សារឿន ចាន់។ អធិរាជគុនខ្មែរ ISI PALM ផ្សាយផ្ទាល់លើកញ្ចក់ទូរទស្សន៍ PNN រៀងរាល់ថ្ងៃអាទិត្យ ម៉ោង១២ថ្ងៃត្រង់ ចាប់ផ្ដើមពីថ្ងៃទី ១២ ខែ ឧសភា ឆ្នាំ ២០១៩តទៅ៕
