អ្នក​ចាត់ការ​ក្លឹប​ Liverpool លោក Jurgen Klopp បាន​លើកឡើង​ថា​ លោក​ និង​កូន​ក្រុម​របស់​លោក​មិន​ទាន់​គិតគូរ​ពី​រឿង​ប្រកួត​វគ្គ​ពាក់​កណ្ដាល​ផ្ដាច់​ព្រ័ត្រ​នៃ UEFA Champions Leagueប៉ះ​នឹង​ក្លឹប​ Barcelona ទេ​ តែ​កំពុង​គិត​គូរ​ពី​រឿង​ប៉ះ​នឹង​ក្លឹប​ Huddersfield Town ដើម្បី​ប្រកួត​ប្រជែង​ជាមួយ​ក្លឹប​ Manchester City យក​ពាន Premier League វិញ។

លោក​បាន​និយាយ​ថា​៖ " មាន​អ្នក​ខ្លះ​សួរ​សំណួរ​បែប​ឥត​ប្រយោជន៍​មក​ពួក​យើង​ថា​ តើ​ពួក​យើង​គិត​ពី​រឿង​ប៉ះ​ Barcelona ដែរ​ឬ​ទេ " ។

លោក​បាន​បន្ត​ថា​៖ " ពួក​យើង​នឹង​ផ្ដោត​ពេញ​ទំហឹង​ទៅ​លើ​ក្លឹប​ Huddersfield ហើយ​ក្រោយ​មក​សឹម​សម្រាក​ រួច​បាន​ត្រៀម​ខ្លួន " ។

សូម​បញ្ជាក់​ផង​ដែរ​ថា​ Liverpool នឹង​ប៉ះ​ក្លឹប​ Huddersfield នៅ​យប់​ថ្ងៃ​សុក្រ​ សប្ដាហ៍​នេះ ខណៈ​ក្លឹប Manchester City នឹង​ប៉ះ​ក្លឹប​រួម​ទីក្រុង​ Manchester United នៅ​យប់​ថ្ងៃ​ពុធ។

គិត​ត្រឹម​ពេល​នេះ​ដែរ​ Liverpool កំពុង​ឈរ​លេខ ១ លេង​បាន ៣៥​ប្រកួត និង​មាន ៨៨​ពិន្ទុ រីឯ​ក្លឹប​ Manchester City លេង​បាន ៣៤​ប្រកួត​ និង​មាន ៨៦​ពិន្ទុ៕

អាន​បន្ត៖

• អាវ​លេខ ១ ប្ដូរ​ម្ចាស់ ចំ​ពេល​ដែល Liverpool បង្ហាញ​អាវ​ថ្មី

• ប៉ះ​ក្លឹប​អង់គ្លេស​ទាំង​អស់នៅ UCL មាន​តែ​ Liverpoolទេ ដែល​ Messi មិន​ទាន់​ស៊ុត​ចូល

• មាន​តែ​ម្នាក់​ទេ​ ដែល​ឈ្នះ​ពាន​កីឡាករ​ឆ្នើម​ប្រចាំ​ខែ​ក្នុង​ PL ៣​ដង​ក្នុង​មួយ​រដូវ​កាល