- 2019-04-22 10:37:30
- កីឡាផ្សេងៗ
ក្រសួងអប់រំ បើកសិក្ខាសាលា៣ថ្ងៃ ស្ដីពីផែនការ និងទ្រឹស្ដីដល់គ្រូជម្រើសជាតិ គ្រូថ្នាល
- 2019-04-22 10:37:30
- ចំនួនមតិ 0 | ចំនួនចែករំលែក 0
ក្រសួងអប់រំ បើកសិក្ខាសាលា៣ថ្ងៃ ស្ដីពីផែនការ និងទ្រឹស្ដីដល់គ្រូជម្រើសជាតិ គ្រូថ្នាល
ចន្លោះមិនឃើញ
ក្រសួងអប់រំ យុវជន និងកីឡា បើកសិក្ខាសាលារយៈពេល៣ថ្ងៃចាប់ពីថ្ងៃនេះទៅ ស្ដីអំពីការរៀបចំផែនការ និងទ្រីស្ដីអំពីការហ្វឹកហាត់នានាដល់គ្រូជម្រើសជាតិក៏ដូចជាគ្រូថ្នាលផងដែរនៅមជ្ឈមណ្ឌលហ្វឹកហ្វឺនកីឡាថ្មីជាប់ពហុកីឡាដ្ឋានជាតិ។
ឯកឧត្ដម ប៊ូ ជុំសេរី រដ្ឋលេខាធិការនៃក្រសួងអប់រំ យុវជន និងកីឡា បានឲ្យដឹងថា សិក្ខាសាលានេះគឺជួយពង្រឹងក៏ដូចជាបំប៉នទៅដល់លោកគ្រូ អ្នកគ្រូ ឬគ្រូថ្នាលទាំងអស់ ឲ្យមានចំណេះដឹងបន្ថែមទៀតដើម្បីបង្ហាត់បង្រៀនដល់កីឡាករជម្រើសជាតិទាំងនោះ។ វគ្គនេះមានសារសំខាន់ណាស់ សម្រាប់សិក្ខាកាមចូលរួម ដូច្នេះអ្នកចូលរួមទាំងអស់ត្រូវយកចិត្តទុកដាក់ក្រេបជញ្ជក់ឲ្យបានល្អ ដើម្បីងាយស្រួលយកទៅបង្ហាត់បង្រៀនដល់សិស្ស។
ឯកឧត្ដម លើកឡើងទៀតថា អ្វីដែលបានរៀនសូត្រនៅពេលនេះ សូមគ្រូៗទាំងអស់យកទៅអនុវត្តន៍ឲ្យបានល្អ ដើម្បីឲ្យកីឡាករទាំងអស់អនុវត្តន៍តាមផែនការបានត្រឹមត្រូវ ដែលធ្វើឲ្យពួកគេមានសមត្ថភាពឈានឡើងរហូតអាចឈ្នះមេដាយនានាក្នុងព្រឹត្តិការណ៍កីឡាស៊ីហ្គេមលើកទី៣០ នៅប្រទេសហ្វីលីពីននាចុងឆ្នាំនេះ។
រំលឹកដែរថា កម្មវិធីសិក្ខាសាលាស្ដីអំពីការរៀបចំផែនការ និងទ្រឹស្ដីនេះធ្វើឡើងរយៈពេល៣ថ្ងៃចាប់ពីថ្ងៃទី២២-២៤ ខែមេសា ២០១៩។ សិក្ខាកាមចូលរួមសរុប ១៦៥នាក់ ជាគ្រូបង្វឹកជម្រើសជាតិ គ្រូជំនួយ មកពី៣៨សហព័ន្ធ និង១០នាក់ជាក្រុមគ្រូបង្វឹកជនពិការ៕