អេលីត ប៊ុនសិទ្ធិ ស្រឡាញ់រៀមច្បង កែវ រំចង់ ត្រង់ចិត្តមិនចេះខ្លាចគេតែម្ដង

2019-04-18 08:06:44
ប្រដាល់

2019-04-18 08:06:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យ១៩ឆ្នាំ អេលីត ប៊ុនសិទ្ធិ ថាកីឡាកររៀមច្បងក្នុងវិស័យប្រដាល់គុនខ្មែរទាំងអស់ពេញចិត្តជើងខ្លាំង កែវ រំចង់ ជាងគេ ហើយចំណុចពិសេសដែលពេញចិត្តបំផុតនោះគឺចិត្តមោះមុតវ៉ៃដោយមិនខ្លាចនេះឯង។

អេលីត ប៊ុនសិទ្ធិ ក្រហម

ប៊ុនសិទ្ធិ បានឲ្យដឹងថា បច្ចុប្បន្ននេះព្យាយាមវ៉ៃតាមរៀមច្បង កែវ រំចង់ គឺដើរចូលដោយមិនចេះខ្លាចដៃគូ វ៉ៃមិនដកថយ ហើយសង្ឃឹមថានៅថ្ងៃខាងមុខនឹងល្អដូចអតីតជើងខ្លាំងគុនខ្មែររូបនេះផងដែរ។ អ្នកស្នងគុនខ្មែររូបនេះបន្ថែមទៀតថា ស្នៀតមួយចំនួនដូចជាកែង គឺធ្វើបានល្អខ្លះៗហើយ ប៉ុន្តែយ៉ាងណាមិញប្ដេជ្ញានឹងខំប្រឹងហ្វឹកហាត់បន្ថែមទៀត ដើម្បីបំពេញក្ដីស្រម៉ៃនេះ។

អេលីត ប៊ុនសិទ្ធិ ក្រហម

អេលីត ប៊ុនសិទ្ធិ ជាកីឡាករមកពីក្លឹបប្រដាល់ឆ្មាសសែនសុខ និងជាកូនសិស្សលោកគ្រូ ស៊ន អេលីត និងជាបេក្ខភាពទើបនឹងធ្លាក់ចេញពីពានរង្វាន់ TV5 ទម្ងន់៥៤គីឡូក្រាម។ កីឡាកររូបនេះចូលប្រឡូកក្នុងវិស័យប្រដាល់២-៣ឆ្នាំមកហើយ៕