- 2019-04-10 07:08:46
- បាល់ទាត់
ត្រូវចិត្ត De Jong ហើយ គ្រូ Juventus ថា Ronaldo នឹងចូលលេងយប់នេះ
- 2019-04-10 07:08:46
- ចំនួនមតិ 0 | ចំនួនចែករំលែក 0
ត្រូវចិត្ត De Jong ហើយ គ្រូ Juventus ថា Ronaldo នឹងចូលលេងយប់នេះ
ចន្លោះមិនឃើញ
លោក Massimiliano Allegri និយាយថា Cristiano Ronaldo នឹងបានចូលលេងឱ្យក្រុម Juventus នៅម៉ោង២រំលងអាធ្រាត្រនេះ ក្នុងការប្រកួតទល់ក្រុម Ajax ពានរង្វាន់ UEFA Champions League វគ្គ៨ក្រុមចុងក្រោយ។
Ronaldo បានរងរបួសពេលលេងឱ្យជម្រើសជាតិព័រទុយហ្គាល់ទល់ក្រុមសែប។ របួសនោះ បានធ្វើឱ្យរូបគេខកខានលេងឱ្យសេះបង្កង់នៅលីគអ៊ីតាលី ប៉ុន្តែសម្រាប់ពាន UEFA Champions League នេះវិញ ត្រូវបានគេរំពឹងថាអាចចូលលេងបានហើយ។ លោក Allegri អ្នកចាត់ការក្រុម Juventus ក៏បង្ហើបថា Ronaldo ជាសះស្បើយល្មមអាចចូលលេងបាននៅរាត្រីនេះ ដើម្បីជួយក្រុមស្វែងរកគ្រាប់បាល់។
អ្នកចាត់ការខាងលើបន្ដទៀតថា៖ “Ronaldo បានហាត់ជាមួយក្រុមធម្មតា ហើយគាត់អាចលេងបាន។ គាត់មើលទៅធម្មតាដូចមុន ជាមួយទម្រង់លេងយ៉ាងល្អ។ គាត់ជាកីឡាករសំខាន់សម្រាប់យើង អ្នកគ្រប់គ្នាបានដឹងហើយ យើងសប្បាយចិត្តដែលមានគាត់នៅជាមួយយើងនារាត្រីនេះ”។
ក្រុម Juventus នឹងអវត្តមានកីឡាករ២នាក់ គឺ Chiellini និង Emre Can ។ ស្របពេលម្ចាស់ផ្ទះវិញ ពេញជើងល្អតែម្ដង។ កីឡាករ De Jong យុវជនឆ្នើមរបស់ Ajax ក៏ចង់ឃើញអតីតខ្សែប្រយុទ្ធ Real Madrid បានលេងនៅរាត្រីនេះដែរ។ រូបគេបញ្ជាក់ថា ក្រុម Ajax ឈ្នះ Juventus ដោយមាន Ronaldo ទើបជារឿងដ៏អស្ចារ្យ៕
