/5cac9565c0d73_1554814260_medium.jpg)
- 2019-04-09 13:08:36
- បាល់ទាត់
Ronaldo ត្រលប់មកហ្វឹកហាត់ជាមួយ Juventus វិញហើយ
- 2019-04-09 13:08:36
- ចំនួនមតិ 0 | ចំនួនចែករំលែក 0
Ronaldo ត្រលប់មកហ្វឹកហាត់ជាមួយ Juventus វិញហើយ
ចន្លោះមិនឃើញ
នៅអម្បាញ់មិញនេះ សារព័ត៌មាន Goal បានចុះផ្សាយថា ខ្សែប្រយុទ្ធក្លឹប Juventus បានត្រលប់មកហាត់ជាមួយក្រុមទាំងមូលហើយក្នុងថ្ងៃអង្គារ សម្រាប់ប្រកួតប៉ះនឹងក្លឹបហុល្លង់ Ajax ក្នុងវគ្គ ៨ក្រុមចុងក្រោយនៃ UEFA Champions League។
ខ្សែប្រយុទ្ធព័រទុយហ្គាល់រូបនេះ បានចូលហាត់ជាមួយមិត្តរួមក្រុមរបស់គេនៅក្នុងទីក្រុង Turin ប្រទេសអ៊ីតាលី មុននឹងធ្វើដំណើរទៅកាន់ទីក្រុង Amsterdam ប្រទេសហុល្លង់ ខណៈខ្សែការពារ Giorgio Chiellini និងអតីតខ្សែបម្រើ Liverpool កីឡាករ Emre Can អាចនឹងអវត្តមានដោយសាររបួស។
Ronaldo បាត់មុខជួយ Juventus តាំងពីរូបគេរកបាន Hat-Trick ពេលលេងទល់នឹងក្លឹបអេស្ប៉ាញ Atletico Madrid ក្នុងវគ្គ ១៦ក្រុមចុងក្រោយនៃក្របខ័ណ្ឌកំពូលអឺរ៉ុប កាលពីពាក់កណ្ដាលខែមីនាកន្លងទៅ។
ខ្សែប្រយុទ្ធរូបនេះ រងរបួសសរសៃពួរក្នុងកំឡុងពេលដែលរូបគេជួយក្រុមជម្រើសជាតិព័រទុយហ្គាល់ ពេលប៉ះនឹងប្រទេសស៊ែប ក្នុងវគ្គជម្រុះ UEFA Euro 2020។
កីឡាកររូបនេះ ត្រូវបានគេរំពឹងថានឹងចូលលេងជម្រើសដំបូង ក្នុងប្រកួតប៉ះនឹងក្រុមម្ចាស់ផ្ទះ Ajax នៃទឹកដីប្រទេសហុល្លង់ នៅយប់ថ្ងៃពុធខាងមុខនេះ៕
