- 2019-04-08 02:55:11
- ប្រដាល់
ឡៅ ចន្រ្ទា ចំណាយពេល១ទឺកប៉ុណ្ណោះផ្ដួលថៃ យក៣ពិន្ទុបន្ថែមយប់មិញនេះ
- 2019-04-08 02:55:11
- ចំនួនមតិ 0 | ចំនួនចែករំលែក 0
ឡៅ ចន្រ្ទា ចំណាយពេល១ទឺកប៉ុណ្ណោះផ្ដួលថៃ យក៣ពិន្ទុបន្ថែមយប់មិញនេះ
ចន្លោះមិនឃើញ
អ្នកលេងគុនខ្មែរមកពីទ័ពពិសេសឆត្រយោង ៩១១ ឡៅ ចន្រ្ទា ប្រើពេលត្រឹម១ទឹកប៉ុណ្ណោះដើម្បីផ្ដួលថៃយប់មិញនេះ នាជំនួបវិលជុំសន្សំពិន្ទុសប្ដាហ៍ទី២ ខ្សែក្រវាត់ទម្ងន់ ៦៧គីឡូក្រាម សង្វៀនបាយ័ន។
អ្នកប្រដាល់ថៃ កេកាត ហាក់មានអារម្មណ៍ដូចជាញញើតអ្នកលេងគុនខ្មែរ ឡៅ ចន្រ្ទា តាំងតែពីការប៉ះគ្នានាជំនួបមិត្តភាពអន្តរជាតិលើកទី១កាលដើមឆ្នាំ២០១៩មកម្ល៉េះ ពោលមិនសូវហ៊ានវ៉ៃចេញនោះឡើយ បានត្រឹមទប់ៗប៉ុណ្ណោះ។
ចូលដល់ទឹកទី១ភ្លាម ចន្រ្ទា ព្យាយាមដើរចូលប៉ុន្តែមិនបានវ៉ៃចេញនោះឡើយ បានត្រឹមស្ទាបស្ទង់ទាំងពីរនាក់រហូតត្រូវអាជ្ញាកណ្ដាលព្រមានឲ្យវ៉ៃទើបបើកការសម្រុក។ អ្នកប្រដាល់ឆ្នើមរបស់ឆត្រយោង ៩១១ រូបនេះចាប់ផ្ដើមវ៉ៃដៃចេញហូរហែ ស្ទើរតែវ៉ៃកីឡាករថៃ កេងកាត ឲ្យសន្លប់ម្ដងហើយនៅពាក់កណ្ដាលទឹកទី១ ព្រោះត្រូវកណ្ដាប់ដៃឆ្វេងស្ដាំ និងសើយ។ មិនជាយូរប៉ុន្មានអ្នកលេងគុនថៃរូបនេះ ត្រូវ២ជើងធ្ងន់ៗបន្ថែមទៀតរបស់ ឡៅ ចន្រ្ទា ក៏ឈឺភ្លៅស្ដាំមិនអាចបន្តការប្រកួតនៅចុងទឹកទី១នោះតែម្ដង។
រំលឹកដែរថា ឡៅ ចន្រ្ទា ផ្ដួលកីឡាករថៃ កេងកាត ឲ្យសន្លប់ក្នុងទឹកទី១ យប់មិញនេះនៅសង្វៀនបាយ័នស្ទឹងមានជ័យនាជំនួបវិលជុំសន្សំពិន្ទុខ្សែក្រវាត់ទម្ងន់ ៦៧គីឡូក្រាម។ បច្ចុប្បន្ននេះ ចន្រ្ទា មាន៦ពិន្ទុក្នុងដៃ បន្ទាប់ប្រកួតបាន២ដង ឈ្នះទាំង២ដង ខណៈ ពុទ្ធ ឆាយរិទ្ធី មាន ៣ពិន្ទុ(១ប្រកួត) មាជ សុខរ៉ា ១ពិន្ទុ(១ប្រកួត) និង ខាំ ផាន់នី ២ពិន្ទុ(២ប្រកួត)៕
