/5ca7367a70e10_1554462300_medium.jpg)
- 2019-04-05 11:07:41
- បាល់ទាត់
Hazard បាញ់ Spurs ម៉ាឆ្ងាញ់ថា ក្លឹបមួយនេះមានស្តាតថ្មី តែមិនទាន់ឈ្នះពានអីធំដុំទេ
- 2019-04-05 11:07:41
- ចំនួនមតិ 0 | ចំនួនចែករំលែក 0
Hazard បាញ់ Spurs ម៉ាឆ្ងាញ់ថា ក្លឹបមួយនេះមានស្តាតថ្មី តែមិនទាន់ឈ្នះពានអីធំដុំទេ
ចន្លោះមិនឃើញ
ខ្សែស្លាបក្លឹប Chelsea កីឡាករ Eden Hazard បាននិយាយប្រាប់សារព័ត៌មាន The Guardian ថា ក្លឹប Tottenham Hotspur មានក្រុមដ៏ល្អមួយ ព្រមទាំងមានកីឡដ្ឋានដ៏ទំនើបផងដែរ ប៉ុន្តែក្លឹបមួយនេះមិនដែលឈ្នះពានអ្វីទេ ខណៈក្លឹប Chelsea ឈ្នះពានជាច្រើន។
កីឡាកររូបនេះបានលើកឡើងថា៖ " ខ្ញុំគិតថា Tottenham ស្ថិតក្នុងចំណោមក្លឹបល្អជាងគេក្នុងអង់គ្លេសរយៈពេល ២-៣ឆ្នាំចុងក្រោយនេះ។ និយាយតាមត្រង់ទៅ ខ្ញុំមិនសប្បាយចិត្តប៉ុន្មានទេ ដោយសារតែខ្ញុំស្រលាញ់ Chelsea ហើយក្លឹបទាំងពីរនេះជាគូប្រជែងគ្នាយ៉ាងស្វិតស្វាញ " ។
ខ្សែស្លាបបែលហ្សិកនេះបន្តថា៖ “ បើនិយាយរឿងស្តាតថ្មីរបស់ពួកគេវិញ សម្រាប់ Premier League វាល្អហើយដែលមានស្តាតថ្មីបែបនេះ។ លើសពីនេះ ពួកគេក៏មានកីឡាករកំពូលៗជាច្រើន ប៉ុន្តែចុងក្រោយ Chelsea វិញទេ ឈ្នះពានជាច្រើន ខណៈពួកគេមិនទាន់ឈ្នះពានអ្វីទេ។ ខ្ញុំសង្ឃឹមថា វានឹងនៅតែបន្តបែបនេះ ” ។
សូមបញ្ជាក់ផងដែរថា ក្លឹប Tottenham Hotspur ឈ្នះពានលើកចុងក្រោយបំផុតគឺពាន League Cup នៅក្នុងរដូវកាល ២០០៧/០៨។
គិតត្រឹមពេលនេះដែរ ក្លឹប Tottenham Hotspur កំពុងតែឈរលេខ ៣ ដោយមាន ៦៤ពិន្ទុ ចំណែកឯក្លឹប Chelsea កំពុងឈរលេខ ៥ និងមាន ៦៣ពិន្ទុ៕
