/sportevezzzzzzzzzzzzzzzzzzzzzzzzzzzzz/raksmey/sportevezzzzzzzzzzzzzzzzzzzzzzzzzzzzzzzzzzzz(3)/sportevezzzzzzzzzzzzzzzzzzzzzzzzzzzzzzzzzzzz(8)/sportevezzzzzzzzzzzzzzzzzzzzzzzzzzzzzzzzzzzz(9)/5c9de4a12b2b7_1553851500_medium.jpg)
- 2019-03-29 10:36:57
- បាល់ទាត់
Kane ត្រូវបានចៅប្រុសម្ចាស់ក្សត្រិយ៍ Elizabeth បំពាក់មេដាយ
- 2019-03-29 10:36:57
- ចំនួនមតិ 0 | ចំនួនចែករំលែក 0
Kane ត្រូវបានចៅប្រុសម្ចាស់ក្សត្រិយ៍ Elizabeth បំពាក់មេដាយ
ចន្លោះមិនឃើញ
ខ្សែប្រយុទ្ធក្លឹប Tottenham Hotspur កីឡាករ Harry Kaneត្រូវបានព្រះអង្គម្ចាស់ William ដែលជាចៅប្រុសរបស់ម្ចាស់ក្សត្រិយ៍នៃចក្រភពអង់គ្លេស Elizabeth ទី២ បំពាក់មេដាយ MBE ដែលជាមេដាយជាន់ខ្ពស់ថ្នាក់ទី៥ របស់ចក្រភពអង់គ្លេស នៅក្នុងព្រះរាជវាំង Buckingham កាលពីថ្ងៃព្រហស្បតិ៍។
មូលហេតុដែលបំពាក់មេដាយនេះក៏ព្រោះតែ Kane ទទួលបានស្បែកជើងមាសក្នុងព្រឹត្តិការណ៍បាល់ទាត់ពិភពលោកឆ្នាំ២០១៨ នៅប្រទេសរុស្ស៊ី ដោយកាលនោះរូបគេរកបាន ៦គ្រាប់ ដែលរកបាន Hat-Trick ប៉ះនឹងក្រុមប៉ាណាម៉ា ២គ្រាប់ទល់នឹងក្រុមទុយណេស៊ី និង១គ្រាប់ពេលជួបនឹងកូឡុំប៊ី។
ក្រៅពី Kane គ្រូបង្វឹកក្រុមជម្រើសជាតិអង់គ្លេសលោក Garreth Southgate ក៏មានឈ្មោះទទួលបានមេដាយដែរ ដោយ Southgate ទទួលបានមេដាយ OBE ដែលមេដាយជាន់ខ្ពស់ថ្នាក់ទី ៤ ក្នុងប្រទេសមួយនេះ ចំពោះគុណបំណាច់របស់គេក្នុងការដឹកនាំក្រុមជម្រើសជាតិអង់គ្លេសឡើងទៅកាន់វគ្គពាក់កណ្ដាលផ្ដាច់ព្រ័ត្រនៃ World Cup ឆ្នាំ២០១៨។
បើតាម Sky News ខ្សែប្រយុទ្ធ Harry Kaneអាចនឹងទទួលមេដាយមួយទៀត ប្រសិនបើគេជួយក្លឹប Tottenham Hotspur ឈ្នះពាន UEFA Champions League។
ខាងក្រោមនេះ ជាវីដេអូដែលព្រះអង្គម្ចាស់ William បំពាក់មេដាយឲ្យ Kane៖៕
