- 2019-03-21 06:39:25
- បាល់ទាត់
អូស្ត្រាលី កូរ៉េ រំពឹងឡើងវគ្គបន្ដ ខណៈកម្ពុជា ឆាយនីសតៃប៉ិ សប្បាយចិត្តបានចូលលេង
- 2019-03-21 06:39:25
- ចំនួនមតិ 0 | ចំនួនចែករំលែក 0
អូស្ត្រាលី កូរ៉េ រំពឹងឡើងវគ្គបន្ដ ខណៈកម្ពុជា ឆាយនីសតៃប៉ិ សប្បាយចិត្តបានចូលលេង
ចន្លោះមិនឃើញ
ការប្រកួតពានរង្វាន់ AFC U23 Championship 2020 វគ្គជម្រុះ ដែលកម្ពុជាធ្វើជាម្ចាស់ផ្ទះ នឹងចាប់ផ្ដើមការប្រកួតនៅថ្ងៃស្អែកនេះហើយ ដោយមាន៤ក្រុមចូលរួមប្រកួត។
ក្នុងនោះដែរ ក្រុមទាំងអស់សុទ្ធតែបានរៀបចំយ៉ាងល្អសម្រាប់ការប្រកួតនេះ។ ជាក់ស្ដែង ក្រុមរបស់អូស្ត្រាលី បានបញ្ជាក់ថាពួកគេត្រៀមខ្លួនរួចជាស្រេចសម្រាប់ការប្រកួត ពោលគឺរំពឹងខ្ពស់ថានឹងបានឡើងទៅវក្គបន្ដតែម្ដង ព្រោះ២៣នាក់ដែលអូស្ត្រាលីយកមកនេះ ពេញដោយសមត្ថភាពខ្ពស់។ ដោយឡែកសម្រាប់ក្រុមកូរ៉េខាងត្បូងវិញ ពួកគេក៏ជឿជាក់ថានឹងធ្វើបានល្អដូចគ្នា ត្បិតអីក្រុមទាំងមូលមិនមានកីឡាករណាម្នាក់ក្នុងក្រុមរបួសនោះទេ។
អ្វីដែលចាប់អារម្មណ៍ជាងគេក្នុងការប្រកួត គឺក្រុម ឆាយនីសតៃប៉ិ ដែលក្រុមនេះមានកីឡាករច្រើនក្រោមអាយុ១៩ឆ្នាំ និងជាសិស្សនៅតាមសាលា។ គោលដៅរបស់ក្រុមមួយនេះ គឺទទួលបានបទពិសោធពីការប្រកួតដែលប៉ះសុទ្ធតែក្រុមខ្លាំងៗ។ សម្រាប់ក្រុមកម្ពុជាវិញ ក៏សប្បាយចិត្តក្នុងការចូលលេងនិងធ្វើជាម្ចាស់ផ្ទះកម្មវិធីប្រកួតនេះដែរ ព្រោះថាវាជាការប្រកួតស្វិតស្វាញមួយ និងជាឱកាសសម្រាប់កីឡាករបានបញ្ចេញសមត្ថភាពពិតប្រាកដ។
រំលឹកការប្រកួតជម្រុះនេះដែរ ក្រុមទាំង៤មាន ម្ចាស់ផ្ទះកម្ពុជា ក្រុមយក្សអូស្ត្រាលី ជើងខ្លាំងកូរ៉េខាងត្បូង និងក្រុមឆាយនីសតៃប៉ិ៕