- 2019-03-20 03:43:41
- កីឡាផ្សេងៗ
ក្រុមកីឡាតុងហ្គីលម៉ូដូ៩រូបទន្ទឹងប្រាក់រង្វាន់ដល់ពេលនេះជិត២ឆ្នាំ
- 2019-03-20 03:43:41
- ចំនួនមតិ 0 | ចំនួនចែករំលែក 0
ក្រុមកីឡាតុងហ្គីលម៉ូដូ៩រូបទន្ទឹងប្រាក់រង្វាន់ដល់ពេលនេះជិត២ឆ្នាំ
ចន្លោះមិនឃើញ
ក្រុមកីឡាករ-កីឡាការិនី តុងហ្គីលម៉ូដូ ចំនួន ៩ រូប កំពុងទន្ទឹងរង់ចាំប្រាក់រង្វាន់ដែលខ្លួន ឈ្នះមេដាយពីព្រឹត្តិការណ៍ Asian Tong il Mo Do Championship 2017 នៅឈៀងម៉ៃប្រទេសថៃកាលពីខែសីហា។
ក្រុមកីឡាករទាំង៩ពេលនេះកំពុងទន្ទឹងរង់ចាំប្រាក់រង្វាន់លើកទឹកចិត្តរបស់ខ្លួន ដែលបានចេញទៅប្រកួតព្រឹត្តិការណ៍ខាងលើ។ រហូតមកដល់ពេលនេះពូកគេមិនទាន់ដឹងច្បាស់ថា អាចទទួលបានប្រាក់រង្វាន់ឬយ៉ាងណានោះទេ។ ជាងនេះទៅទៀតគេក៏មិនបានដឹងពីមូលហេតុដែលនាំឲ្យរង់ចាំយូរនេះដែរ។
ជាមួយគ្នានោះឯកឧត្ដម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា ពន្យល់រឿងនេះថា ប្រាក់រង្វាន់ដែលកីឡាករ-កីឡាការិនីទាំងនោះឈ្នះ នឹងទទួលបានការលើកទឹកចិត្ត ១០០ % បើសិនពួកគេបានរៀបចំឯកសារមុនពេលចេញទៅប្រកួតត្រឹមត្រូវតាមគោលការណ៍។ ប៉ុន្តែបើសិនមិនបានរៀបចំត្រឹមត្រូវតាមគោលការណ៍ទេ នោះគឺមិនបានឡើយ។
ទាក់ទងរឿងឯកសាររៀបចំចេញទៅប្រកួតនេះ លោក ចំរើន សុផល អគ្គលេខាធិការសហព័ន្ធមិនអាចទាក់ទងបានទេ ពីព្រោះជាប់បំពេញភារកិច្ចនៅក្រៅប្រទេស។ ស្របពេលលោក ឈួន ចន្ថា គ្រូបង្វឹកប្រភេទកីឡាមួយនេះបានបញ្ជាក់មកកាន់ Sabay យ៉ាងច្បាស់ថា លោកបានប្រឹងប្រែងសាកសួរទៅកាន់ថ្នាក់ដឹកនាំម្ដងហើយម្ដងទៀត ដើម្បីចង់ឲ្យមានការលើកទឹកចិត្តដល់កីឡាករ-កីឡាការិនីរបស់ខ្លួន។ ចំណែករឿងឯកសារលោកបានអះអាងថា គឺត្រឹមត្រូវ ១០០ % ដោយឆ្លងកាត់អគ្គនាយកដ្ឋានកីឡា។
សូមទស្សនាវីដេអូខាងក្រោម៖
ឈ្មោះកីឡាករ-កីឡាការិនី ដែលឈ្នះមេដាយ
កីឡាករ ស៊ឹម ប៊ុនស្រ៊ុន ឈ្នះមេដាយមាស
ហុង គឹមហួយ ឈ្នះមេដាយប្រាក់
ហ៊ួ ប៉េងលៀប ឈ្នះមេដាយប្រាក់
ញិល យ៉ុតអ៊ឹល ឈ្នះមេដាយសំរឹទ្ធ
ស៊ីថា ស្រីលីន ឈ្នះមេដាយសំរឹទ្ធ
ប៉ូច វឌ្ឍនា ឈ្នះមេដាយសំរឹទ្ធ
សួន កូស៊ីល ឈ្នះមេដាយប្រាក់
ម៉ាន ស៊ីម៉ា ឈ្នះមេដាយសំរឹទ្ធ
វិញ្ញាសាក្រុមបុរសសម្ដែង ឈ្នះមេដាយមាស
វិញ្ញាសាសម្ដែងក្រុមនារី ឈ្នះមេដាយសំរឹទ្ធ
