- 2019-03-18 12:19:38
- បាល់ទាត់
Guardiola បន់កុំឲ្យកីឡាកររបស់ខ្លួនរបួសក្នុងពេល International Break
- 2019-03-18 12:19:38
- ចំនួនមតិ 0 | ចំនួនចែករំលែក 0
Guardiola បន់កុំឲ្យកីឡាកររបស់ខ្លួនរបួសក្នុងពេល International Break
ចន្លោះមិនឃើញ
អ្នកចាត់ការក្លឹប Manchester City លោក Pep Guardiola បានលើកឡើងកាលពីពេលថ្មីៗនេះថា លោកកំពុងតែបន់ស្រន់កុំឲ្យកីឡាកររបស់ខ្លួនរងរបួស នៅពេលដែលចូលរួមប្រកួតជាមួយក្រុមជម្រើសជាតិរបស់ពួកគេរៀងៗខ្លួន។
លោកបានប្រាប់គេហទំព័ររបស់ក្លឹប Manchester City ថា៖ " ខ្ញុំបន់ ហើយបន់ទៀតឲ្យពួកគេត្រលប់មកវិញដោយមិនមានអ្វីកើតឡើងលើពួកគេ។ ពួកគេត្រូវតែទៅលេងជាមួយក្រុមជម្រើសជាតិរបស់គេ តែខ្ញុំសង្ឃឹមថាពេលមកវិញពួកមិនជួបបញ្ហាអ្វីទាំងអស់ " ។
លោកបានបន្តថា៖ " ជាមួយនឹងកាលវិភាគក្នុងខែមេសានេះ យើងត្រូវការគ្រប់គ្នាខ្លាំងណាស់។ គ្រប់គ្នានឹងត្រូវបានលេង។ ពួកយើងត្រូវតែខំប្រឹងហ្វឹកហាត់ ហើយលេងឲ្យបានល្អ " ។
ក្នុងខែមេសានេះ ក្លឹបរបស់លោក Pep Guardiola នឹងត្រូវលេង ៧ប្រកួត ដោយក្នុងនោះនឹងត្រូវប៉ះ Tottenham Hotspur ៣ដង និងប៉ះក្លឹប Manchester United។
សូមបញ្ជាក់ផងដែរថា ក្លឹប Manchester City កំពុងតែឈរចំណាត់ថ្នាក់លេខ ២ ដោយមាន ៧៤ពិន្ទុក្នុងដៃ ខណៈក្លឹប Liverpool ឈរលើកំពូលតារាង និងមាន ៧៦ពិន្ទុ៕