- 2019-03-14 13:10:41
- បាល់ទាត់
Sarri៖ ទីលានរបស់ Kiev មានសភាពគ្រោះថ្នាក់ខ្លាំងណាស់
- 2019-03-14 13:10:41
- ចំនួនមតិ 0 | ចំនួនចែករំលែក 0
Sarri៖ ទីលានរបស់ Kiev មានសភាពគ្រោះថ្នាក់ខ្លាំងណាស់
ចន្លោះមិនឃើញ
អ្នកចាត់ការក្លឹប Chelsea លោក Maurizio Sarri បាននិយាយក្នុងសន្និសីទមុនការប្រកួតទល់នឹងក្លឹប Dynamo Kiev ក្នុងវគ្គ ១៦ក្រុមចុងក្រោយនៃ UEFA Europa League ថា ទីលានក្នុងកីឡដ្ឋានអូឡាំពិករបស់ក្រុមអ៊ុយក្រែនមួយនេះ ជាគ្រោះមហន្តរាយមួយ ដែលអាចបង្ករបួសដល់កីឡាករ។
ការនិយាយបែបនេះ ធ្វើឡើងក្រោយពេលដែលកូនក្រុមរបស់លោកធ្វើការហ្វឹកហាត់នៅលើទីលានក្នុងទឹកដីរបស់ក្រុមម្ចាស់ផ្ទះ កាលពីថ្ងៃពុធកន្លងទៅ។
លោកបានលើកឡើងថា៖ " ទីលាននេះមិនល្អទេ ហើយខ្ញុំគិតថាវាពិតជាគ្រោះថ្នាក់ខ្លាំងណាស់ ព្រមទាំងពិបាកក្នុងការលេងទៀតផង។ ពួកយើងត្រូវតែទទួលយកស្ថានភាពបែបនេះ និងលេងនៅលើទីលាននេះ។ វាជាបញ្ហារបស់ក្រុមយើង តែវាក៏ជាបញ្ហាសម្រាប់គូប្រកួតរបស់យើងដូចគ្នា " ។
លោកបន្តថា៖ " មូលហេតុដែលធ្វើឲ្យទីលានមានសភាពអាក្រក់ ប្រហែលជាដោយសារតែរដូវរងា ព្រោះអីខ្ញុំលេងនៅទីនេះក្នុងខែកញ្ញា ទីលានក្នុងសភាពល្អណាស់ " ។
កាលពីជើងទី ១ Chelsea បានយកឈ្នះ Dynamo Kiev ក្នុងលទ្ធផល ៣ ទល់នឹង ០ នៅរាជធានីរបស់ចក្រភពអង់គ្លេស ខណៈជើងទី ២ នឹងធ្វើឡើងនៅរដ្ឋធានីរបស់ប្រទេសអ៊ុយក្រែនម្ដង ដែលការប្រកួតនឹងលេងនៅម៉ោង ១២.៥៥ យប់នេះ (ម៉ោងនៅកម្ពុជា)៕