- 2019-03-15 02:04:01
- កីឡាផ្សេងៗ
អ្នកកំពង់ឆ្នាំងកុំភ្លេចគាំទ្រឆ្នោតកីឡាជាតិ ដូចគាំទ្រកីឡាកម្ពុជា
- 2019-03-15 02:04:01
- ចំនួនមតិ 0 | ចំនួនចែករំលែក 0
អ្នកកំពង់ឆ្នាំងកុំភ្លេចគាំទ្រឆ្នោតកីឡាជាតិ ដូចគាំទ្រកីឡាកម្ពុជា
ចន្លោះមិនឃើញ
ឆ្នោតកីឡាជាតិសាខាទី៥ ក្នុងខេត្តកំពង់ឆ្នាំង សម្ពោធបើកជាផ្លូវការហើយម្សិលមិញនេះ ក្រោមអធិបតីភាពពីឯកឧត្ដម ថោង ខុន និងអភិបាលខេត្ត។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ឆ្នោតកីឡាជាតិដែលគាំទ្រដោយរាជរដ្ឋាភិបាលកម្ពុជានេះ មានតំណាងលក់ច្រើនមកហើយគិតទៅប្រហែលជាង១០ខេត្ត ដោយគ្រាន់តែមិនបានសម្ពោធដំណើរការជាផ្លូវការ។ ដោយឡែកបានជាសម្ពោធសាខាថ្មីនៅក្នុងខេត្តកំពង់ឆ្នាំងនេះ ពីព្រោះមើលឃើញតំបន់នេះល្អ សមរម្យដែលអាចបង្កើតបាន ដើម្បីប្រជាពលរដ្ឋផ្សងសំណាងលេង ក៏ដូចជាការរួមចំណែកជួយជ្រោមជ្រែងវិស័យកីឡាកម្ពុជាត្រៀមព្រឹត្តិការស៊ីហ្គេម ២០២៣។
អ្នកជំនាញខាងកីឡាខាងលើនេះបន្ថែមទៀតថា ឆ្នាំ២០១៩ ដល់ ២០២៣ នេះជាយុទ្ធសាស្ត្រថ្មីសម្រាប់ឆ្នោតកីឡាជាតិ ព្រោះបច្ចុប្បន្ននេះប្រាក់ចំណូលគឺបានត្រឹមគ្រប់គ្រាន់លើការចំណាយផ្សេងៗប៉ុណ្ណោះ មិនទាន់មានផលចំណេញនោះទេ។ ដូច្នេះហើយជាយោបល់របស់ ឯកឧត្ដម ថោង ខុន ត្រូវតែផ្លាស់ប្ដូរយុទ្ធសាស្ត្រថ្មី ដើម្បីជាការពង្រីកទីផ្សារផង និងប្រកួតប្រជែងជាមួយក្រុមហ៊ុនឆ្នោតដទៃទៀត។ ការបង្កើតឲ្យមានឆ្នោតកីឡាជាតិនេះ គឺជាគោលការណ៍របស់រាជរដ្ឋាភិបាលក្នុងការគៀងគររកថវិកាជួយទ្រទ្រង់ព្រឹត្តិការណ៍កីឡាស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
កម្មវិធីសម្ពោធឆ្នោតកីឡាជាតិសាខាទី៥ នៅខេត្តកំពង់ឆ្នាំងនេះធ្វើឡើងកាលពីថ្ងៃទី១៤ ខែមីនា ឆ្នាំ២០១៩ ក្រោមអធិបតីភាពឯកឧត្ដម ថោង ខុន ឯកឧត្ដម វ៉ាត់ ចំរើន និងអភិបាលខេត្តកំពង់ឆ្នាំងផងដែរ។ សាខាឆ្នោតជាតិ៤ទៀតនោះគឺ បាត់ដំបង កំពង់ចាម ក្រុងព្រះសីហនុ និងរាជធានីភ្នំពេញ៕
វីដេអូ៖