- 2019-03-11 08:28:28
- កីឡាផ្សេងៗ
សហព័ន្ធខ្មែរកីឡាហែលទឹក គ្រោងរៀបចំការប្រកួតបាល់ទឹកដាច់ដោយឡែកពេលខាងមុខ
- 2019-03-11 08:28:28
- ចំនួនមតិ 0 | ចំនួនចែករំលែក 0
សហព័ន្ធខ្មែរកីឡាហែលទឹក គ្រោងរៀបចំការប្រកួតបាល់ទឹកដាច់ដោយឡែកពេលខាងមុខ
ចន្លោះមិនឃើញ
សហព័ន្ធខ្មែរកីឡាហែលទឹក នឹងរៀបចំការប្រកួតបាល់ទឹកនៅពេលខាងមុខដាច់ដោយឡែកពីវិញ្ញាសាផ្សេងៗ ដើម្បីពង្រឹងសមត្ថភាពសិក្ខាកាមដែលឆ្លងកាត់វគ្គសិក្សាថ្មីៗនេះ។
លោក ហែល គីរី អគ្គលេខាធិការសហព័ន្ធខាងលើនេះបានឲ្យដឹងថា ដើម្បីឲ្យសិក្ខាកាមដែលបានសិក្សាវគ្គគ្រូបង្វឹកកីឡាបាល់ទឹកកម្រិត១ ឲ្យយល់ដឹងបានច្បាស់ និងដកពិសោធនូវកង្វះខាតផ្សេងៗ នៅពេលខាងមុខនឹងរៀបចំឲ្យមានការប្រកួតជាក់ស្ដែងតែម្ដង។
អគ្គលេខាធិការរូបនេះលើកឡើងទៀតថា កាលពីវគ្គសិក្សាកម្រិតមូលដ្ឋានគឺផ្ដោតខ្លាំងលើទ្រឹស្ដី ប៉ុន្តែវគ្គសិក្សាកម្រិត១ដែលទើបបញ្ចប់ទៅប៉ុន្មានថ្ងៃនេះ ផ្ដោតលើការអនុវត្ត ការបង្ហាត់បង្រៀន និងបច្ចេកទេសលេងតែម្ដង។ បន្ថែមជាងនេះទៅទៀតនោះ ផ្ដោតលើមូលដ្ឋានគ្រឹះរបស់កីឡាករដែលត្រូវមានជាចាំបាច់។ ឆ្លងកាត់វគ្គសិក្សាចំនួន២ដងរួចហើយក្ដី សិក្ខាកាមទាំងអស់ក៏មិនទាន់អាចក្លាយជាកីឡាករ ឬជាគ្រូលំដាប់អន្តរជាតិនៅឡើយទេ គឺយ៉ាងហោចណាស់ក៏សិក្សាដល់កម្រិត៣ដែរទើបបាន។
រំលឹកដែរថា វគ្គសិក្សាគ្រូបាល់ទឹកកម្រិត១ នេះធ្វើឡើងរយៈពេល៣ថ្ងៃ ចាប់ពីថ្ងៃទី៥-៧ ខែមីនា ២០១៩ នៅគណៈកម្មាធិការជាតិអូឡាំពិកកម្ពុជា(NOCC)។ នេះជាលើកទី២ហើយសហព័ន្ធខ្មែរកីឡាហែលទឹកបានបើកវគ្គសិក្សាលើកីឡាបាល់ទឹក៕
