- 2019-03-11 01:42:58
- ព័ត៌មាន
Arsenal ឡើងលេខ៤វិញក្រោយធ្វើឲ្យ Man Utd ស្គាល់ជាតិចាញ់ដំបូងក្នុងរជ្ជកាល Ole
- 2019-03-11 01:42:58
- ចំនួនមតិ 0 | ចំនួនចែករំលែក 0
Arsenal ឡើងលេខ៤វិញក្រោយធ្វើឲ្យ Man Utd ស្គាល់ជាតិចាញ់ដំបូងក្នុងរជ្ជកាល Ole
ចន្លោះមិនឃើញ
Arsenal បានប្រើកាំភ្លើងធំរបស់ខ្លួនបាញ់ Manchester United កាលពីយប់មិញដោយយកឈ្នះក្នុងលទ្ធផល ២ទល់នឹង០នៅទឹកដី Emirates។
ជ័យជម្នះនេះធ្វើឲ្យក្រុមមូលដ្ឋានភាគខាងជើងទីក្រុងឡុងឡើងទៅលេខ៤ នាំមុខ United ២ពិន្ទុ និងចាញ់លេខ៣ Tottenham Hotspur តែ១ពិន្ទុប៉ុណ្ណោះ។ និយាយពីបិសាចក្រហមវិញ លោក Ole Gunnar Solskjaer បានស្គាល់ជាតិចាញ់លើកដំបូងនៅ Premier League ចាប់តាំងមកធ្វើជាអ្នកចាត់ការបណ្ដោះអាសន្ននៅ Old Trafford។
គ្រាប់បាល់របស់ Xhaka នៅនាទី១២ និងបាល់ប៉េណាល់ទីរបស់ Aubameyang នៅនាទី៦៩ ក្លាយជាកាដូ៣ពិន្ទុសម្រាប់អ្នកគាំទ្រ Arsenal ហើយវាក៏ជាបន្ទុកមួយយ៉ាងធ្ងន់របស់ United នៅប្រកួតក្រោយៗពិសេសការប៉ះ Manchester City ចង់មិនចង់ពួកគេត្រូវតែយកឈ្នះឲ្យខានតែបានដើម្បីកៅអី Champions League៕