- 2019-03-08 11:09:55
- បាល់ទាត់
Ancelotti បរិយាយពីចំណាប់អារម្មណ៍ទាក់ទងនឹងការឈ្នះរបស់ Man Utd លើ PSG
- 2019-03-08 11:09:55
- ចំនួនមតិ 0 | ចំនួនចែករំលែក 0
Ancelotti បរិយាយពីចំណាប់អារម្មណ៍ទាក់ទងនឹងការឈ្នះរបស់ Man Utd លើ PSG
ចន្លោះមិនឃើញ
អ្នកចាត់ការក្លឹប Napoli លោក Carlo Ancelotti បាននិយាយពីចំណាប់អារម្មណ៍របស់គាត់ពាក់ព័ន្ធនឹងការវាយបករបស់ក្លឹបអង់គ្លេស Manchester United ទៅលើក្លឹបយក្សបារាំង Paris Saint-Germain ប្រាប់សារព័ត៌មាន Sky Italia ថា បើសិនជាគាត់ដឹកនាំក្លឹបបារាំង គាត់នឹងលោតពីលើស្ពានណាមួយហើយ។
លោកបាននិយាយថា៖ " ការឈ្នះរបស់ក្លឹប Manchester United ពិតជាអស្ចារ្យណាស់ អស្ចារ្យតែម្ដង។ តែបើខ្ញុំជាគ្រូបង្វឹកក្លឹប PSG ខ្ញុំមិនដឹងថាខ្ញុំគួរធ្វើយ៉ាងម៉េចទេ ប្រហែលជារកស្ពានណាដែលនៅជិតហ្នឹង ហើយលោតចុះមកហើយ " ។
គួររម្លឹកថា បុរសជនជាតិអ៊ីតាលីរូបនេះ ធ្លាប់បង្វឹកក្លឹបយក្សបារាំង Paris Saint-Germain កំឡុងឆ្នាំ២០១១ ដល់ ២០១៣ និងបានឈ្នះពាន Ligue 1 មួយលើកនៅរដូវកាល ២០១២/១៣ទៀតផង។
ចំណែកឯក្នុងក្លឹបអាជីពរបស់លោកបច្ចុប្បន្នវិញ លោកទើបតែដឹកនាំក្លឹប Napoli ឈ្នះក្លឹបអូទ្រីស Salzburg ក្នុងលទ្ធផល ៣ ទល់នឹង ០ ក្នុងប្រកួតវគ្គ ១៦ក្រុមនៃក្របខ័ណ្ឌលំដាប់ ២ អឺរ៉ុប នៅទឹកដីអ៊ីតាលី កាលពីយប់មិញនេះ៕