- 2019-03-02 10:15:06
- បាល់ទាត់
ត្រលប់មកវិញហើយ Tiger Street Football Festival 2019 ចាប់ពូលរួចរាល់នៅមណ្ឌលខេត្តកណ្ដាល
- 2019-03-02 10:15:06
- ចំនួនមតិ 0 | ចំនួនចែករំលែក 0
ត្រលប់មកវិញហើយ Tiger Street Football Festival 2019 ចាប់ពូលរួចរាល់នៅមណ្ឌលខេត្តកណ្ដាល
ចន្លោះមិនឃើញ
ក្រោយសម្រាក១សប្ដាហ៍ ការប្រកួតពានរង្វាន់ Tiger Street Football Festival 2019 បានឈានដល់មណ្ឌលខេត្តកណ្ដាលហើយ ដែលមានក្រុមចូលរួម៤៦ក្រុម ប្រកួតនៅមាត់ទន្លេក្រុងតាខ្មៅ។
ព្រឹត្តិការណ៍ដ៏ធំ សម្រាប់មណ្ឌលខេត្តកណ្ដាលនេះ នឹងធ្វើការប្រកួតតែមួយថ្ងៃប៉ុណ្ណោះនៅថ្ងៃស្អែក ពោលគឺក្រុមនីមួយៗធ្វើការប្រកួតជម្រុះចាញ់ធ្លាក់ រហូតស្វែងរកឃើញជើងឯក។ មណ្ឌលនេះស្វែងរក៤ក្រុមគឺលេខ ១ លេខ ២ លេខ៣ និងលេខ៤ ដែលអាចទទួលបានឱកាសឡើងទៅមណ្ឌលផ្ដាច់ព្រ័ត្រនៅភ្នំពេញ។ ការប្រកួតនៅវគ្គផ្ដាច់ព្រ័ត្រនាថ្ងៃទី១៦ ១៧ខែមីនាឆ្នាំ២០១៩ខាងមុខ ពួកគេនឹងមានឱកាសបានជួបជាមួយកំពូលតារាបាល់ទាត់ Ronaldinho ផងដែរ។
លើសពីការប្រកួតបាល់ទាត់ទៅទៀត នៅពេលរាត្រីថ្ងៃស្អែកនេះដែរ Tiger ក៏មានការប្រគុំតន្ត្រីខ្នាតយក្សឱ្យអ្នកគាំទ្របានទស្សនា។ ដោយមានការចូលរួមពីសំណាក់តារាចម្រៀងល្បីៗជាច្រើនដូចជា លោក ព្រាប សុវត្ថិ អ្នកនាង ពេជ្រ សោភា លោក នី រតនា ឈិន ម៉ានិច រ៉េត ស៊ូហ្សាណា និង DJ Maily ផងដែរ។ ការប្រគំតន្ត្រីនេះមានការផ្សាយផ្ទាល់តាមរយៈទូរទស្សន៍រស្មីហង្សមាស។ ស្របពេលការប្រកួតមានផ្សាយផ្ទាល់នៅលើ Page ផ្លូវការរបស់ Tiger Beer ។
ប្រាក់រង្វាន់ប្រចាំមណ្ឌលខេត្តកណ្ដាល
១-ទទួលបាន ១០០០ ដុល្លារអាមេរិក
២-ទទួលបាន ៧០០ ដុល្លារអាមេរិក
៣-ទទួលបាន ៣៥០ ដុល្លារអាមេរិក
៤-ទទួលបាន ១៥០ ដុល្លារអាមេរិក
ក្រុមជយលាភីទូទាំងប្រទេស៖
ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក
មណ្ឌលបន្ទាប់ពីខេត្តកណ្ដាលនេះទៅគឺ៖
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣-១៤-១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦-១៧ ខែមីនា នៅរាជធានីភ្នំពេញ។