- 2019-02-23 04:18:01
- បាល់ទាត់
Klopp ថា Solskjaer ឈ្នះញឹកដោយសារគុណភាពនិងសំណាងឲ្យ
- 2019-02-23 04:18:01
- ចំនួនមតិ 0 | ចំនួនចែករំលែក 0
Klopp ថា Solskjaer ឈ្នះញឹកដោយសារគុណភាពនិងសំណាងឲ្យ
ចន្លោះមិនឃើញ
អ្នកចាត់ការរបស់ Liverpool លោក Jurgen Klopp បាននិយាយថា Ole Gunner Solksjaer សំណាងផ្ដល់ឲ្យក្នុងក្លឹប Manchester United ប៉ុន្តែស័ក្ដិសមទទួលបានការងារពេញសិទ្ធិ។
Klopp នឹងត្រូវតទល់ជាមួយ Solskjaer នៅថ្ងៃអាទិត្យស្អែកនេះ ដើម្បីរកជ័យជម្នះមានឱកាសឡើងទៅកំពូលតារាង Premier League វិញ។ បន្ទាប់ពីអាប់អួនៅដើមរដូវកាលក្រោមការដឹកនាំរបស់លោក Jose Mourinho ការចូលមកដល់របស់ Solksjaer បានធ្វើឲ្យបរិយាកាសនៅ Man Utd ល្អប្រសើរឡើងវិញ។
អ្នកចាត់ការសញ្ជាតិន័រវែសចាញ់តែមួយប្រកួតគត់ក្នុង១៣ប្រកួត ចាប់តាំងឡើងជាអ្នកចាត់ការបណ្ដោះអាសន្ន ហើយ Klopp និយាយថា Solksjaer សមឡើងជាគ្រូធំពេលចប់រដូវកាលនេះ។ មុនការប្រកួតវាងបិសាចក្រហមនិងហង្សក្រហមមកដល់ Klopp បាននិយាយថា៖ "ពួកយើងសុទ្ធតែត្រូវការសំណាងក្នុងអាជីពដឹកនាំ។ ពេលដែលខ្ញុំចេញពី Mainz ទៅកាន់ Dortmund គេនិយាយថា ខ្ញុំគ្មានបទពិសោធន៍អន្តរជាតិទេ។ វាត្រឹមត្រូវណាស់"។
Klopp បន្តថា Solksjaer មានគុណភាពនិងសំណាងក្នុងពេលដ៏ត្រឹមត្រូវ។ ពេលនេះគេកំពុងតែទទួលបន្ទុក ហើយគ្មានអ្វីសង្ស័យទេ គេនឹងក្លាយជាអ្នកចាត់ការនៅឆ្នាំក្រោយ។ វាច្បាស់ណាស់៕