- 2019-02-22 12:23:20
- បាល់ទាត់
លក្ខខ័ណ្ឌ FIFA មួយចំនួនក្នុងការផ្ទេរកីឡាករបរទេសក្រោមអាយុ ១៨ឆ្នាំ
- 2019-02-22 12:23:20
- ចំនួនមតិ 0 | ចំនួនចែករំលែក 0
លក្ខខ័ណ្ឌ FIFA មួយចំនួនក្នុងការផ្ទេរកីឡាករបរទេសក្រោមអាយុ ១៨ឆ្នាំ
ចន្លោះមិនឃើញ
ថ្មីៗនេះក្លឹប Chelsea ត្រូវបានសហព័ន្ធបាល់ទាត់ពិភពលោកដាក់បម្រាមដោយសារតែការល្មើសច្បាប់ក្នុងផ្ទេរយុវជនក្រោមអាយុ ១៨ឆ្នាំ។
ការផ្ទេរកីឡាករយុវជនវ័យនេះអាចធ្វើទៅបានលុះត្រាតែមានលក្ខខ័ណ្ឌតឹងរ៉ឹងមួយ បើមិនអញ្ចឹងទេ FIFA នឹងដាក់ពិន័យ ហើយការដាក់ពិន័យនោះមានលក្ខណៈខុសៗគ្នាទៅតាមប្រទេសនីមួយៗ។ ការដាក់ពិន័យបែបនេះ ដើម្បីការពារកុមារពីការជួញដូរ និងកេងប្រវ័ញ្ច។
ការផ្ទេរកីឡាករវ័យក្រោម ១៨ឆ្នាំទៅកាន់ក្រៅប្រទេសអាចធ្វើឡើងបានក្នុងករណី៖
១. ឪពុកម្ដាយរបស់កីឡាករយុវជននោះនឹងធ្វើការស្នាក់នៅក្នុងប្រទេស ដែលក្លឹបផ្ទេរយកកូនរបស់ពួកគាត់ស្ថិតនៅ ក្នុងមូលហេតុផ្សេងក្រៅពីបាល់ទាត់។
២. ក្លឹបទាំងពីរស្ថិតនៅសហភាពអឺរ៉ុប ឬតំបន់សេដ្ឋកិច្ចអឺរ៉ុប ហើយកីឡាករត្រូវមានអាយុចន្លោះ ១៦ និង១៨ឆ្នាំ។ ម្យ៉ាងទៀតក្លឹបដែលទិញកីឡាករនោះ នឹងផ្គត់ផ្គង់លើលក្ខខ័ណ្ឌមួយចំនួនដូចជា ការអប់រំ ការហ្វឹកហាត់ និងការរស់នៅប្រចាំថ្ងៃ ជាដើម។
៣. ឪពុកម្ដាយរបស់កីឡាករយុវជននោះ មានទីលំនៅចម្ងាយតិចជាង ១០០គីឡូម៉ែត្រពីក្លឹបថ្មីនោះ៕