- 2019-02-22 03:29:58
- ប្រដាល់
ស៊ីចាន់ ត្រូវការពារជ័យជម្នះ ខណៈ សំបូរ គ្រោងបង្កើតកំណត់ត្រាល្ងាចនេះ
- 2019-02-22 03:29:58
- ចំនួនមតិ 0 | ចំនួនចែករំលែក 0
ស៊ីចាន់ ត្រូវការពារជ័យជម្នះ ខណៈ សំបូរ គ្រោងបង្កើតកំណត់ត្រាល្ងាចនេះ
ចន្លោះមិនឃើញ
ថ្ងៃសុក្រ ទី២២ ខែកុម្ភៈ ONE Championship នឹងអង្រួនបេះដូងទស្សនិកជនម្តងទៀតហើយ តាមរយៈការរៀបចំព្រឹត្តិការណ៍ប្រដាល់យក្សនៅប្រទេសសិង្ហបុរី និងមានការបង្ហាញក្បាច់គុនរបស់កីឡាករឆ្នើមៗទូទាំងពិភពលោកក្នុងនោះក៏មានកីឡាករកម្ពុជាពីររូបដែរ។
ព្រឹត្តិការណ៍នេះនឹងនាំមកនូវការប្រកួតក្បាច់គុនច្រើនប្រភេទដូចជា គុនខ្មែរ គុនមួយថៃ គុនចម្រុះ និង Kickboxing ជាចំណីចក្ខុបងប្អូនជនរួមជាតិឲ្យដិតជាប់ក្នុងចិត្តជាមិនខាន។
កីឡាករឥណ្ឌូណេស៊ី សងសឹក ខុន ស៊ីចាន់ ឲ្យមិត្តរួមជាតិ
ជើងឯកក្នុងកម្មវិធី Khmer Warrior Challenge (KWC) ប្រភេទទម្ងន់៥៦.៧គក ខុន ស៊ីចាន់ បានបាត់មុខពីទ្រុងយក្ស ONE អស់មួយរយៈធំតាំងពីពេលប្រកួតចុងក្រោយឈ្នះកីឡាករឥណ្ឌូណេស៊ី Riski Umar ។
កីឡាករមកពីក្លឹប Phnom Penh MMA បានបង្កើនការហ្វឹកហាត់ខ្លាំងទៅលើក្បាច់ចាប់ឃ្លេដើម្បីបញ្ចេញថ្វីដៃនៅក្នុងទ្រុងអន្តរជាតិ ឲ្យគេស្គាល់ថាខ្លួនពិតជាមានសមត្ថភាពឡើងមួយកម្រិតទៀត។
Rudy Agustian ចេញមុខមកសងសឹកឲ្យមិត្តរួមជាតិដែលបានចាញ់ ខុន ស៊ីចាន់ កាលពីឆ្នាំ២០១៨។ ប្រសិន ស៊ីចាន់ បន្តយកឈ្នះកីឡាករឥណ្ឌូណេស៊ីទៀត នោះច្បាស់ហើយថាក្បាច់គុនរបស់គេពិតជាឈានដល់កម្រិតខ្ពស់មួយទៀតក្នុងឆាកអន្តរជាតិប្រចាំឆ្នាំ២០១៩។
គង់ សំបូរ គ្រោងបង្កើតកំណត់ត្រាសម្រាប់អ្នកប្រដាល់កម្ពុជា
គង់ សំបូរ បានសន្យាខ្លួនឯងថា នឹងធ្វើឲ្យផ្ទះឆាក ONE Championship ដើម្បីបង្កើតកំណត់ត្រាជ័យជម្នះរបស់អ្នកប្រដាល់គុនខ្មែរលើសង្វៀនអន្តរជាតិមួយនេះ បន្ទាប់ពី សុខ ធី និង ឡៅ ចិត្រា បានបរាជ័យ។ វ័យ២៣ឆ្នាំ គង់ សំបូរ ត្រូវប៉ះជើងខ្លាំងជនជាតិចិន Zhang Chenglong ដែលបាននិយាយថា នឹងផ្តួលកីឡាករកម្ពុជាក្នុងទឹកទី២។ សំបូរនិយាយថា មានមនុស្សតិចណាស់ដែលសង្ឃឹមលើរូបគេ ប៉ុន្តែអ្វីៗមិនអាចមើលស្រាលបានឡើយ ហើយអាចនឹងកក្រើកឆាកល្ងាចនេះ៕